想請教各位…
我喺今年年頭有咗，可惜 BB 10週無咗心跳自然流產咗…
休息咗大半年，一直有睇中醫調理，月經週期唔錯，每個月都有明顯高低溫同埋月經量同日數正常。
今個月第一次再嘗試，睇 BBT 應該16號排卵，到今日為止 Day 41，持續高溫咗17日，有第三階段高溫，但係仍然驗唔到 (金秀兒早早孕)。
睇咗中醫，佢叫我繼續觀察多幾日先。
P.s. (上次排卵10日用金秀兒早早孕已經驗到)
以下係有出現嘅懷孕症狀：
想請教有無人有類似經驗？我掙扎緊有無需要婦科驗血，同埋都擔心有無宮外孕嘅可能…
係唔係如果高溫21日都仲驗唔到就可以死心?
利申唔係專家不過宮外孕的話應該都會驗到兩條線先啵?
放鬆D~ 好多孕早期徵狀同月經前徵狀好似
BB執齊野自然會返來搵媽媽
我自己都小產左一次 因為有D野要醫學觀察停一年添… 而家BB二十幾周啦
加油呀 放輕鬆 
會唔會19號先係排卵日？你有冇用埋紅D一齊check？如果19號先開始計體上升體溫，暫時只係11日，可以再觀察一下先。
咦～ 咁我又無諗過喎 
我有用紅D，由2號 check 到15號，但係無深粗過。因為我上次係9月23日嚟 Period，10月15日咁啱去婦科例行檢查果陣個醫生聽到我話未排卵已經好驚訝，所以16號開始我就放棄咗紅D 
咁我再觀察多一排先…
多謝您 @bestemily！
等待嘅日子好難捱 
多謝您 @EveryLittleThing! 我都係同自己講小朋友大頭蝦執漏嘢所以要返一返去。
如果真係未係時候，我會乖乖哋等佢！
戥您開心！希望我可以好似您咁 BB 返嚟搵我 
你打得好詳細 不過我自己既經驗就有既用驗孕棒基本上都會驗到
一枝怕唔準 兩枝一般都準既
同埋同意樓上所講宮外孕應該都係會驗到兩條
我都曾經小產一次 都明白當時會好似你咁緊張 放鬆啲啦
我個陣都係隔左半年左右再有左 不過都唔係一次兩次就中 小朋友而家都已經半歲大啦 加油！
今日體溫再跌到36.68，睇嚟應該就嚟嚟M。
其實我一直都有俾定心理準備自己，不過經歷過無咗，真係好難放鬆
多謝您 @mamali 希望可以沾吓您哋嘅孕氣，BB 快戰返嚟！
估估下冇用架，懷孕係驗孕棒驗到就去醫院抽血睇指數，宮外孕都係。
你可以做嘅就係等，同埋等，心急冇用。
我都失敗左十二次以上，每個月照幾次超聲波加打針，每次黎M前都疑神疑鬼，衣加諗番起，真正懷孕個次反而係自然懷孕乜針乜檢查都冇做，完全冇諗過會中，係睇婦科前順手驗下就中左，仲以為自己眼花。
然後我哋就明白懷孕呢啲嘢，花幾多錢都冇用，個天要比你就比你⋯⋯
我哋中西醫夾埋應該花左廿幾萬都失敗⋯⋯
@iamyellowmom 你講得好啱呀 
理智上我明白而家係完全無嘢可以做… 只有等… 但係個心就係咁囉囉攣 
而家會想快啲M到… 等自己死心再努力過算啦…
我哋一開頭試過乜都唔做，自然就算，但係因為我經期唔準，好難遇到排卵，加上下年就34歲，所以心急怪現身… Orz
我都知叫人放鬆係冇用，因為到我試下一胎時都一定會心急同見M就sad⋯⋯
事實我bingo嗰個月係有其他大事而分心就中左獎 
比啲好運同祝福你！
多謝您哋！聽您哋嘅分享同成功例子，個心定咗啲
等嘅日子搵其他嘢做下啦～我之前都係咁，似層層咁最後又係黎m，個感覺勁失落。反而乜都無就中咗。身體調理好始終有日都會中
以前有得做 Gym 有安多酚，啲時間真係易過啲
我會學習放開啲嫁啦！多謝您 @heakatie
我都明白，我知其實有唔少媽咪都有呢啲經歷，可能5個入面有一個
我個陣都有擔心唔開心，但知道要bb健康，輕鬆既心境真係好重要
有咩疑問上黎問喇，好多人都好helpful架
的確係壓大大咗，明知咁係唔好都無辦法…
不過今日度，跌返36.37，應該今日會嚟M，雖然好失落，不過至少唔使估估吓
多謝您 @mamali，同您哋一齊傾吓一齊研究吓個人舒服啲
我用過金秀兒半定量，感覺幾準
的確係！上一次排卵10日就驗到有，當時我老公唔係好信，係佢每日加深，深到去診所驗到佢先信。
唯有下個 cycle 再努力
Wish u luck
Thank you very much 
Wish you luck 
