小朋友今年小一，好唔順利，覺得同學好衰，老師好惡，佢宜家會返到學校都唔願上去…要攪好耐，耐到第一堂都會miss埋
宜家係我湊返學，姐姐湊放學去99度做功課等我放工。佢講明好想我湊放學…（以前幼稚園返全日係我湊）
我應唔應該…辭職？經濟上唔會太大問題，慳啲洗…我湊放學佢會開心好多，又可以跟功課…佢其實係好「痴」我…宜家咁樣我驚好影響佢學習
我仔今年一樣小一，我係佢k3開始冇做嘢自己湊！佢以前啲老師覺得佢成個人開心咗、多左好多野講！再加上我仔做功課好慢唔可以等我放工返屋企先做！
經濟方面要自己慳啲，只可以話有啲嘢錢係買唔到！
2個讚
你接放學可以令佢安心D,但學校問題解決唔到 
你間小學係勁學術既小學?你地學校有無wtsapp group?
我小朋友都係今年小一,佢都有d老師係惡d,但同學普遍仲係大bb咁,似幼稚園學生,有咩問題令你小朋友覺得同學衰?
我覺得樓主就算湊放學都唔等於小朋友會鐘意咗返學, 首先要搵出點解佢覺得"覺得同學好衰，老師好惡" 係咪有欺凌事件…定係小朋友太習慣以前有你, 依家改變咗, 佢唔想適應呢? 定有其他原因呢? 解決咗, 再睇吓係咪需要resign…
你問我, 當然小朋友成長過程係非常重要, 但現今社會, 有份工已經萬幸, 今日唔知聽日事, 搵多個錢對屋企對小朋友都係個保障… 希望你可以盡快解決啦…
2個讚
係，我湊放學佢會安心…好多，因為佢係真係好痴我。但我都懷疑，湊佢放學係咪就解決到，萬一唔得咁點…？同學同老師，已經盡量解釋俾佢聽，佢其實都明白，但心裏唔願意接受
另一方面，其實99都唔識教宜家既功課，通常我返黎都要再跟…放工返黎食飯沖涼跟功課溫默書，好快又要訓覺…（只係普通學校，唔谷又唔係happy，真係好在無揀到谷校…）
如果你先生嘅收入係stable, 我會辭職。
跟緊啲唔係淨係功課
心靈上佢有咩唔開心你都可以即刻同佢了解
尤其佢依家唔係咁開心你都想知咩原因
1個讚
去到五六年級就自自然唔會痴你
我諗返細個，媽媽陪我跟功課傾心事，對我依家同佢關係都好大影響
收入唔會有太大問題的話，小朋友成長有你喺身旁，勝過你買任何玩具同物質; 大個有咩事都會信你，同你分享
2個讚
湊放學當然開心，但解決唔到「同學衰」、「老師惡」。有冇再詳細問做左啲咩。你解釋還解釋，佢觀點同你唔同。可能係老師大叫你仔仔唔好跑，係佢心入面個結就係「老師好惡，佢鬧我，我都只係一時行快兩步咋嘛」。
如果收入唔成問題，你心理又應付到，全職湊係會對小朋友更好。有部份媽媽係唔可以一日到晚係屋企，好想出黎打工拼搏，咁佢哋就適合返工多啲。
你要知道係佢令同學老師咁，定係從旁觀察覺得？
感覺好主觀，佢亦要學習。
試下叫佢畀個例子你，之後慢慢解釋。
不如搵班主任問吓小朋友喺學校時嘅情況，同同學之間嘅相處係點，了解一下，班主住應該幫到手。駐校社工幫唔幫到小朋友？