依家12週，想請問大約幾時可以開始報堂上？一星期2-3堂會唔會太多？做咗瑜伽係咪真係對生個陣有幫助？多謝解答
有bb之前有無做開？
無做開無經驗怕你容易整親喎
1個讚
有左之前有玩下ring fit，應該頂得順 
大肚某d瑜伽動作會做唔到
可以同導師溝通下先
一開始一星期一次先，之後先慢慢加
瑜伽都有分輕鬆同辛苦，最緊要適合自己
如果係拉筋為主，每日都可以做
有做孕婦瑜伽，唔知係我無咁怕痛定關做瑜伽事，我覺得陣痛無想像中咁痛苦。
1個讚
一般應該12週以上都可以！
孕婦瑜珈比普通relax啲，慢啲！動作注重一啲大脾啊/腰/盤骨之類，係希望強化肌肉，幫助拕bb同生Bb！
我自己比較，第一胎好後期先做，腰、大脾一早痛，冇托腹帶真係唔知點行路！
第二胎好早就做，腰冇咁痛，可能練左腰部肌肉，冇咁依賴托腹帶！覺得個人動作冇咁笨重！
首先！我唔係專家！以上係個人意見！
而且我不嬲有做開瑜珈（當然唔係勁個隻）
同埋，我係開刀生既！不過我覺得做孕婦瑜珈對自己有幫助！
最好問返醫生，每人情況唔同。普遍講孕婦瑜班都唔會太高難度，佢預左你無瑜珈底
如果你有興趣做孕婦瑜伽, 可以睇埋barre 你有無興趣. Barre 主要結合ballet, yoga 同pilates 動作, 我之前懷孕有做, 1星期1-2次, 做到37週. 雖然我最後都係開刀, 但全個孕期都算輕鬆, 因為身體大肌肉多左力, 幫助支撐. 而且生完復原得好快. 不過都同樓上講一樣啦, 聽埋你自己醫生意見先
祝你一切順利
邊度有得學barre?
唔知呢度可唔可以post link, 我可以PM 你.
我之前去嗰個地方喺中環Donki 附近. 細studio, 老師好nice 同有經驗, 超過一半老師係媽媽, 所以特別照顧啲媽媽. 佢有一堂係pre / post natal, 但就算普通嗰啲, 佢知道你懷孕的話都會特別留意啲動作安全
我自己本身未有之前係打泰拳嘅（最少一星期一至兩次），果個centre有埋瑜伽，所以間中都會去上下（可能幾個月一次）
有左之後咁啱限聚令要健身中心停業，所以去到差不多18w先開始去上瑜伽，普通班，一星期兩次，但同miss講話有左，有啲動作佢會講明唔可以做或者換個方式做，當然我自己都有就住
之後差不多22w，因為都習慣左，所以其中一堂改左上同一個miss嘅空中瑜伽伸展，其實只係多條布帶幫手拉筋，一定有一隻腳掂地，好安全，比普通班辛苦少少（可能因為我有做開運動，所以普通班對我黎講太輕鬆），兩種瑜伽我最後做到36w
唔知關唔關有做開運動事，我係催生嘅，到我覺得宮縮嘅痛真係好痛時，原來已經開左6度，可以入產房，喺產房前後兩個鐘就生左，真正push用左9個字（算長，我瑜伽班有個比我早大半年生嘅同學push左5分鐘咋，不過可能因為我果下好肚餓又好口渴），而成個生仔過程我覺得頂多8級痛，絕對無啲人所講比車輾過or斷十條骨果種10級痛
我本身陀個陣都想做 但見到過有新聞出事
最後都係怕怕 安全至上
等到好後期先係咁行路同做運動
孕前少做運動，個人無乜肌肉，淨係孕期時散步多，無做大肚瑜珈，到孕後期，腰、坐骨神經開始痛。生果時都算易生，到醫院時開到8、9度，40分鐘就生左出黎，亦無想像中咁痛
但重點是生完之後到而家5個月，覺得身體復原得一般，整個身體（不是指體質）都好像支撐唔到，醫師就話係因為肌肉唔夠，要做返多啲運動練肌肉，尤其腰背，所以我後悔當時自己無好好練習肌肉
相信如果你同導師講有左，有些動作都會避免，就算無做大肚瑜珈都建議每日/隔日拉筋
1個讚
你足三個月無出血陀得穩可以試下, 我自己做開yoga所以無特別報班, 跟coffee做到39w生, 由陣痛到生只係兩個鐘 (第一胎), 我覺得有用