比我呻下。
出街見到人地媽媽著得好靚，好 elegant 咁食飯，D小朋友好乖坐定定自己食，我就好似帶左兩隻野生馬騮出街咁，又呢樣又果樣，食到甩頭甩髻。
我覺得我小朋友好曳。
6個讚
哈哈，我有你相同感受
出街一定要畀野小朋友做，佢唔肯睇書畫畫，細啲嘅就畀件小玩具佢玩下，大啲就同佢玩智力遊戲，例如猜謎語、I spy，甚至傾計。如果唔係不出 2 分鐘就已經叫救命。 
1個讚
我已經帶左書，貼紙書，顏色筆，紙
你地明唔明，野生馬騮睇緊書都係野生馬騮係點
2個讚
媽媽，張櫈有針ka。係你哋痴線咋～
兩個小朋友係難啲冷靜嫁
一個都話大人可以唔理佢比佢冷靜
兩個就自己玩 唔理你
可以試吓將兩個小朋友分開啲 睇吓會唔會好啲
如果爸爸自己好elegant 應該仲嬲lol
10個讚
我仔細個時我都有你咁既諗法，
攪到我成個癲雞咁？！
但係街度都會見到有d更加馬騮，然後個心安樂少少兼覺得人地阿媽仲苦惱
自己未算最慘咁安慰自己
1個讚
你有很多戰友⋯⋯ 時間會過
可能真係因為係兩個小朋友？
我得一個所以出去同小朋友食嘢真係無乜難度。
佢鐘意食嘢，通常我會食得快過佢
如果要去到食2個鐘以上（大人吹吓水），咁就真係要拎埋顏色筆比佢油顏色打發時間
Sorry個形容得好好笑，野生馬騮小朋友男定女？ 我仔細時會帶車仔畫筆畫紙，而家初小佢會自己揀本書同會帶畫板（發覺帶紙好消耗，畫幾筆又話要換），我會陪下佢玩過三關，或者叫佢畫某啲嘢比我睇
好過佢吽吽哣哣丫
從小教育禮儀，喺屋企都要守禮
幾多歲？
我屋企有本書係介紹唔同餐廳食嘢（唔係教規矩），講下buffet, food court, 普通餐廳咁，我就自己加鹽加醋話d 小動物（本書卡通化）食嘢唔會走嚟走去，解釋佢知會危險同整到人。食飽嘢d小動物都係乖乖坐喺到，可以傾計、可以睇書。
平時食飯佢哋坐唔好我就同佢哋講，你哋喺屋企食飯食到咁，我出街都唔會帶你出去，
1個讚
所有媽媽都覺得自己小孩曳，但坐定是可以訓練，由細即一歲就應該訓練佢，之後就識坐定。
你完全說出我心聲
4個讚
笑左！完全想像到我老公都會咁 
如果我覺得自己handle唔到就唔會帶出去，好似我個女咁未識講道理就唔會帶出街食，因為只會令自己都冇啖好食，何必呢。
明白樓主感受
真係唔係個個小朋友都咁易教
加油，其實你好多同路人
我小朋友直情話媽咪，點解你而家同結婚相差咁遠 
2個讚
同感，兩個，野生馬騮，癲婆
1個讚
有d小朋友係專心唔到。