Bb今日8日人仔，佢係醫院我有埋身，不過個陣可能我未有奶，bb埋身啜一陣就幫我補水奶，佢係飲得好慢，之後姑娘會幫手餵埋，第4日出院話佢每餐都飲到75ml
返到屋企後佢基本上係狂訓，點整都唔起身食奶，食成個幾鐘先可能飲到20ml,之後個日即刻帶佢返健康院話佢黃，入醫院住左2晚，姑娘都話佢飲得比較慢，佢地都係用杯餵，每日有7-8餐75ml
我前晚接左佢返黎開始試下埋身，如果埋到身，係個幾鐘入面其實佢斷斷續續2邊加埋都係啜到15分鐘左右，同埋後期係無咁有力，我想補樽佢都係唔飲，含住嘔返出後
作為新手媽媽好無力感，有冇人可以話我知點做
我試過中途掃風，換片，抹面，彈腳板，捽耳仔，總之佢都醒一醒都好快訓返
除左埋身我都有用唔同奶咀，nuk佢醫院用開食到我都有繼續比佢用，杯餵，針筒餵我都試過
我擔心係因為個日入院醫生話佢血糖都有d低
出院個陣雖然正常返，因為係佢地餵，除咗我地新手爸爸媽媽，屋企有經驗長輩餵都差唔多
十分感謝？
去健康院，有護士教餵奶，你去比護士看看。先打電話預約，每日都人兒童健康服務
係咪有黃
睇過，然後話佢黃轉介入醫院
照左兩日係好少少出返黎，但話佢都係懶
係呀，但佢已經照完返屋企，比之前好少少，但都唔係食得好好
試下轉用奶樽餵
BB餓自然會搵嘢先，bb飽會自然會停。如果你埋身之後再補奶佢唔食，會唔會係埋身已經食夠？
佢向醫院食到7-8餐75ml，已經比我bb初生時食多百幾ml奶，咁其實佢都食得夠喎。
如果向醫院用nuk肯食，會唔會照比返nuk試多幾次，比佢習慣下要用奶樽，好過一時又用杯，一時又針筒，bb都唔知邊樣先係奶。
要冷靜啲，埋身餵係要比啲耐性，如果bb真係啜唔到，就要考慮泵出嚟比bb食啦。有問題可以打電話去健康院問姑娘，我都係新手媽媽，果時都問左姑娘好多嘢。加油
你話佢只食到20ml係埋身之後餵定未埋身已經只食到20ml?如果係埋身之後，可能係已經食夠咗所以食唔落。另外最緊酚係睇bb濕片夠唔夠，初生出世8日應該每日至少6-8條濕片，如果痾得夠，啲尿尿唔會太黃太濃，就唔洗太擔心。如果唔夠，要帶bb睇醫生。
黃既bb係咁，掛住訓唔食奶
但食得多先容易退晒黃
我果兩個同你一樣照左兩日先出院
出院食好少
唯有小食多餐，一日餵18餐
Total 奶量就多過standard少少
第一個月辛苦d,唔係個個bb可以跟到醫院食奶Schedule同奶量
加油！
要退黃先食得好
食得多先會退
所以我頭一個月比奶粉佢食咗兒科醫生話食奶粉易退少少
啲人奶儲落冰櫃等佢食得叻啲先比佢飲
我用返nuk奶樽奶咀但佢真係唔肯飲
我唔介意用樽就算補奶粉都ok
咁可能真係鍾意瞓覺多過食嘢
以前有聽過其他媽媽講是有這類bb
咁你日頭佢瞓覺時安排佢瞓喺喺太陽曬到既地方，可以退黃既
未埋身，埋左身d奶佢吞都唔吞，濕片有，但唔算話好重身，佢d小便都應該正常，聽完你講我都放心少少
多謝你
佢唔肯食樽
18餐
每餐食幾耐呀？
好，多謝你，希望bb快d食得好d
我已經買nuk就咁滴都有奶出，但好怪，樽出個d佢成日都係含住唔吞
黃既BB係食兩食就訓
所以唔係好耐
但冇計真係點整都唔起身
有啲Bb試多幾款樽
我細女咀細同食得差
用dr brown窄樽ok d
會自己出奶同易啜少少