有冇子女讀緊/讀過YY LAM 既中文班？
見好多人話掂，但我見好多都係video 班，係咪都ok ?
好多人排隊報名，我都想知係咩符fit
利申無補中文，攞咗 4
如果底子唔好，補黎用處不大
識唔少學生補完都係得3（本來底子唔差，都ok勤力）
中文科去搵私人補習老師可能效果仲顯著，因為夠針對性（當然，要搵到個好老師先）
時代不同了，dse中文冇所謂的雞精班補完就升lv
1個讚
我仔S4, 中文底不太好，S3時都係合格多少少果d , 見人話YY Lam 評價好，如果跟佢兩三年唔知會唔會有進步，所以想問下大家有冇經驗。
建議揾過第2個，我仔女話Y2 冇幫助
1)教野大路，學校已教過
2)太多雞精班，將課程拆開教
3)有啲揼波鐘，及課堂氣氛偶像式吹捧
4)Notes太多，像大包圍
所以一早棄讀
仔女部分中卷有**
識有學生跟足佢3年，自覺拎到5或5*，最後得3（最後都入到ou）
Dse中文係要針對性，冇可能聽完書就會明（除非天才啦）以前會考年代就得，dse唔同左玩法
1個讚
我個囡中4開始讀(video 班)，佢覺得有用，主要教考試技巧，唔係教書。如果本身學生中文個底好係太好的話就一定唔適合了。
要針對性咁讀，要找私補好d ? 通常你地在哪裡找？謝謝
作為近年dse嘅過來人認真答你，想學到野成績進步，唔好補YY Lam，廢兼晒錢。
首先我唔係想judge啲補習佬，而係依家成個補習生態唔係令學生成績提高，派一大堆根本睇唔晒嘅補習notes同上堂灌輸嘅雞湯，令學生覺得自己係度「進步緊」，然而其實只係令學生自我感覺良好，每個月比錢補習唯一好處就係自信心提升但入到試場都係空白一片。
如果真係想有用少少，最簡單就係一分錢一分貨，啲補習名師一個live班可以有30個學生，有幾多時間分配到比你仔女？video班更加係比錢睇片，上video班live班咩班都係睇個學生悟性，你跟唔到唔明白點算？Sorry喎導師唔會就你一個。與其係咁，不如比多少少錢，比仔女上3-5個一組的小組教學，有同齡人陪之餘學生有咩唔識即刻問，學生有咩做錯可以即刻指正。
家長能力許可嘅，私補同小組教學係最好，但如果學校老師ok嘅，其實連補習錢都可以慳返，我個中文老師喺我中五下學期嗰陣跌親條腰，換咗個已經退休都係教中文嘅舊生返嚟代課，我個代課老師好有心，每次作文佢都會寫100字左右嘅短評，真係好似捉住你隻手教你點樣攞高分，而我遇過嘅老師，比盡8-10隻字「立意深刻，唯文筆未見流暢」之後打分收工，係嘅做老師好攰唔止教書仲有好多行政野，但咁樣學生又點會明應該點改善？最後dse岀分，我成班同學一致同意如果冇呢三個月，佢哋一定攞唔到依家個分，而我自己作文最後都有個5，如果當初我中文老師冇跌親，我諗我應該得3。
最後我想幫啲私補導師平反下（利申我冇做開），家長搵導師前，都應該睇吓自己小朋友去到咩程度，你嘅目標又係幾多，你要一個得2底錯別字連篇嘅學生短時間內升上5係冇可能嘅事。如果你要求好低，淨係想拎個3入大學嘅，咁我其實唔建議你揀啲CV好靚，年年中文第一DSE5**嘅導師，因為佢哋太「離地」。本身成績好嘅係唔會理解到成績差嘅，前者眼中易如反掌的問題喺後者眼中難過登天。如果學生本身已經係坐4望5嘅，咁梗係要精益求精，搵個靚CV嘅精英導師；淨係求3嘅，搵個5甚至分卷二三有5嘅4都得，大家個思路相近，亦更明白學生「點解理解唔到」。
9個讚
議事論事講句：YY Lam 有很多學生，名校有村校有，Band 1 有，Band 3 都有，咁所以：5** 嘅一定有，攞 U 嘅都肯定有。佢咁多學生，可以分到幾多時間畀你？你想佢親手改作文？親口解點解你錯、點樣改善？佢有幾多時間可以咁樣坐低一步一步教你？學校老師都未必做到，YY Lam 有過千學生，佢記得你個名同讀邊間學校，你都要偷笑。
如果你係想保平安合格有 4、5 嗰啲，搵個私補仲實際。起碼嗰一個鐘頭，佢係一心一意對住你，想加鐘減鐘都得。（利申：我唔係中文補習導師）
某程度上同名校一樣，名校有好成績，未必一定係老師教得好，但肯定就係啲學生 fit。我唔否認 YY Lam 中文好/識教，但如果期望咁被動補完就可以自己升 grade，難度頗高。
3個讚
好多謝樓上兩位既詳盡意見，認同你地所講，等我同阿仔傾下，謝謝你地。
這兩天我建議佢上網search 下，搵到不少人解讀dse 範文既片，有d 很正經有d 幾有趣，對提升佢了解範文既解讀都有不少幫助，睇完再睇老師比既notes,佢好似易 d掌握。過左哩幾日UT, 我問下佢搵唔搵私補幫佢。
有咩唔同？我對DSE不太熟，因為我以前是考會考年代。可否講解下，謝。
DSE 比較似舊制中五會考咁，背誦多啲，更多考答題技巧（最出名通識科，你多大程度同意，第一句一定要答「我很多/很少程度同意」，然後 3+1 論點/3+3 論點，唔跟呢個方法寫就可以 bye bye）。
但肯定係淺過 A Level，不過 DSE 就考曬 6-7 科，叻啲嘅 8-9 科，咁調返淺啲好啲。考 DSE 唔少人被迫欣賞數學同通識。少一科讀慳好多時間。
3個讚
以中文科為例，會考舊制以背誦為主，26篇範文，讀飽雞精書冇A都有B，再加份作文卷。會考舊制作文重技巧，你運用得多技巧，成篇文章意境唔靚、立意唔夠深遠，一樣都可以A。
Dse就唔同，一黎就4份分卷（最初5份，最後合併左卷3卷5）
讀本而家有範文，但比例最重都係閱讀理解，而閱讀理解好玩野，你唔會知答案係咩，運氣比例佔一大半。
作文唔再只重技巧運用，要立意、意境、邏輯、闡釋、例子等等，係成篇文章格局咁睇，難過會考舊制。
聆聽同綜合卷就係新野（雖然後來會考新制都有綜合），要聽完錄音寫一大篇文章，呢份卷勤力操就得，
而難點係：1. 你要跟一個熟悉評分既老師，如果唔係會練壞手勢
2. 考評局隔1-2年就會改marking scheme，你老師跟唔上改制，或者到你考時係第一年改評分，就大煲了
口試就唔講啦，比較普通野，比AL容易
3個讚
坦白講, 得個名…唔覺好work…我個女前兩年讀過, 後來到我姨甥, 我姨甥讀完中五個course, 中六就去咗其他細間D嘅私人補習社補… 感覺好好多, 真人教授, 又可即時提問…
提外話, 我有呢兩年YY Lam補習教科書可以送出, 如有興趣, 可以PM我…
4個讚
我睇過佢D NOTES, 覺得都幾COMPREHENSIVE, 但我認為佢係幫拔尖多過補底
如果你本身中文都強, 佢係提供左方便之門同捷徑等你慳左時間做分析同資料搜集;
但如果本身都抆水補佢可能會迷惘
利申: 我考果時仲係會考加A LEVEL年代, 僥倖地兩次中文都係擇A, 所以有D興趣睇下DSE係咩玩法
2個讚
你呢段嘢, 同我家小姐同少爺講嘅一模一樣, 佢兩個都呢2-3年DSE 考生… 用家講法最實際 
2個讚
講得好, 因材施教!
請問筆記還有嗎？thx
唔好意思, 已經送晒…