黎緊想樓換樓 想請教大家少少野
其實我想先賣後買，想問下個流程係咪買家簽左臨約買我單位後，我就可以去睇樓 簽另一間準備買入單位既臨約唔洗等佢成交左先。
如果舊樓未成交，而我拎新買入單位既臨約去做按揭會唔會有影響？ （利申：兩公婆收入穩定）
你可以show比銀行睇，你賣樓張臨約。
不過d人多數等埋成交，收到賣樓d錢，咁首期可以大份d。
簽咗臨約可以去睇，前題係肯定個買家唔會撻定，然後確保你新樓個交收期，係配合到舊單位資金回籠，其他律師會幫你搞，出示臨約銀行亦會處理按揭，當然最後都係要比返正式合約銀行，呢啲律師都會肯代勞嘅。個人經驗，最好新舊樓按揭都係同一銀行搞，會簡單好多。
新樓想借幾成？
如果做按保一定要賣左樓完成整個交易先可以申請按揭
我幾年前都係樓換樓，吾使等舊樓完成晒交易先做到按揭。
我揾到心水目標後先賣舊樓，一簽臨約已即去買新樓。個陣好似係夾好時間，叫買家訂比多少少我地，同成交期後租多一個月先搬。
比左大訂新屋個邊個業主，再講遲一兩個月成交期。
大概係咁，詳情吾記得，agent會教你點做
唔該晒，當時你新樓洗唔洗做按保？上面有朋友話做按保既話要完成左舊樓成交先。
我可能會做7成按揭
咩叫按保？我個陣只係欠銀行9x萬
新樓我就借 6成
按保 應該 同 dsd一樣，你簽臨約賣走左本身間屋果刻計，就回復 “首置” 身份
題外話，c兄諗住邊區搬邊區？
我個陣先買，半年內後賣都可當首置
按保，即係 當你按揭成數 超過5成 or 6成 or 7成後(睇你成交年份) , 因為要借埋餘下部份後，被政府老屈要買既保險。佢話如果你還唔到錢，佢就保銀行超出5/6/7成 既部份
1個讚
如果你做7成係要申請按保
按保一定要無樓之下先可以申請家
岩岩有同事賣完再買諗住借7成
最後按保一開始唔批，要舊樓完成交易先可以批
最後新樓延期成交先搞得切
我會賣樓收曬錢先去買樓
因為怕賣樓嗰度撻訂，好牙煙
係米近年新規舉？
1x年前我借7成，都吾使買按保。
更正下，買新樓借5成。當時舊樓只係簽左臨約賣
1x年前梗係唔同左喇 
淨係上年同今年已經唔同咗了，正苦嘢日新月異架嘛
吾知呀, 我以為借7成已經好 ok, 原來重要按保
借7成都重要另買保險，咁而家買樓真係要好有實力。
我第一次樓換樓就差啲出事，我賣樓同買樓都係同一間地產攪，我覺得係地產從中作梗，想中間賺多畢。
話說舊樓一有買家睇啱落左訂，我同屋企人就搵到第二個盤，又係好快就落埋訂。因為買賣都係同一間地產攪，所以地產果邊知道晒我哋幾時落大訂比尾數交樓時間。
就向我哋準備要收大訂，再用呢舊錢去比我哋買果間屋嘅大訂時，個地產就話我哋間舊屋有問題，臨時要我哋出多張紙（關乎啲建築結構問題，太複雜我都唔知乜黎）比買家，如果出唔到就撻訂，講緊只得返一兩日時間比我哋準備，因為我哋都要趕住新屋果邊比訂。咁當然準備唔切啦，之後個地產話，買家話如果冇呢張紙就要求要減多十幾廿萬，講緊係當時樓價1成，即係迫我哋減價。
成件事就覺得好有問題，即刻搵做地產同律師嘅朋友問下，佢哋都話唔需要呢張唔知咩紙就可以交易。所以好明顯係地產攪屎棍，因為一般人都唔會識呢張紙。之後我哋就搵埋律師去同地產傾，地產先改口話可以照常交易，好彩最後都順利賣出再買到新屋。
1個讚
原來我當時好勇，冇諗咁多。夾左時間，一賣即買。
賣買經兩個不同 agent
但原先新屋業主傾時應承左肯承交前一星期交樓比我先，點知簽左約後，佢個 agent 先教佢一定承交日先好交樓比我。
搞到我舊樓要租多個月