各位姊妹，我黎M準時，30日/cycle。
上年12月我第一次測排卵，Day21先排卵（即比app預計時間遲一個星期），行房一次就Bingo，開心到呢…
但事實並不如人意，第六週去私家醫生睇，點知有芽有囊，就係冇心跳，醫生告知情況唔理想，2週之後複診都係冇心跳，然後再去其他醫院、醫生檢查都係同樣結果。一月尾做藥流…T_T
今年8月又開始備孕，8、9月都冇中，9月排卵日遲2日，但10月排卵日應該21號，宜家24號都未排。
我驚之前BB冇心跳同排卵遲有關，應該點調理好？呢次排卵遲仲要嘗試懷孕嗎？我好亂，好驚重演…
每次懷孕都唔同，未必關遲或早排卵，放鬆心情，或者試吓睇中醫調理身體或者多做運動，最緊要個人健康D就自然成功懷孕。
4-9月都睇中醫，隔4-6日睇一次，感覺身心疲倦，就停咗冇睇。
妳講得啱，嘗試做運動
可能中醫唔夾，如果真係覺得食中藥太辛苦就停一停先，做下運動，放鬆下心情。另外，有冇食肌醇或葉酸呀？有好多食物都可以養卵，可以上網研究下。而家天氣凍又可以試吓隻腳浸下熱水加薑都得。
我都試過小產，去到8w冇左心跳。之後睇中醫調理，身體正常返就開始做運動，過咗一年就開始再備孕。
我本身period好唔準，要食排卵藥計排卵期。到第二個月，食埋排卵藥排卵期都遲咗幾日，到排卵期開始我已經同朋友飛咗去旅行，都諗住又要等下個月。到去完旅行返黎之後過咗一個星期，開始覺得有啲唔舒服，再加上體溫升左之後一直冇跌，即刻驗一驗就bingo左了。
之後check返行埋嘅日子，原來去旅行前交左功課，所以排卵期遲咗都bingo，bb亦都健康出咗世了。
所以我諗排卵期遲同bb冇心跳係無關，有時胎囊有先天不足就會自然流失，唔關媽媽身體事。你上一次都咁易bingo，要再懷孕應該唔難呀，加油
感謝妳明白我感受，恭喜妳已成功成為媽媽。
希望都可以，fighting
我之前都無啦啦6週就無咗，個時經期好準嘅tim。跟住一直都有唔到，醫生都話好低可能性可以有bb，咁我就keep住做運動，經期有經期嘅亂，直頭放棄咗，最後遲排卵兩星期個次bingo咗，而家bb都歲幾了。所以心情同身體梗要過睇排卵，你一直mon住只會令自己壓力太大，排卵仲亂。
咁樣應該要調理返個排卵期
有機會身體激素唔夠令排卵推遲
我有bb之前係食supplement（肌醇、聖潔莓個啲）
食左3個月就bingo左
希望你都可以啦
應該唔洗避, 把握每個月嘅機會
每次懷孕都係獨立，放鬆心情
早期小產多數因為個胎基因有問題，唔關媽咪身體事。
遲排卵都可以懷孕，最緊要有排卵就得。
媽媽唔洗咁擔心，備孕最緊要保持身心健康！加油！