佢人仔細細問D好深層次問題
如果有人唔肯打疫苗 病毒變種 點算呀?
仲有好多好多 大學教授都唔即刻答到嘅問題
怕處理得唔好大個咗會抑鬱
已經每個問題盡量認真簡單回答 佢會問落去
求 育兒意見
最積極的辦法係做父母要進修多一點。子女崇拜父母的話會好教好多。
你睇中國同北韓嘅人民幾聽話~~
4個讚
認同 Kyo，自己多進修，佢會覺得你識好多野，崇拜你。我周不時都同佢地講呢啲非學校書本知識，搞到依家其實有啲我都唔識答，但佢哋覺得我一定識只係唔肯分享，會求我講畀佢哋聽 
2個讚
如果唔識, 直接同佢講話你唔識, 但係一齊查出答案.
千祈唔好敷衍佢!
同小朋友一齊參與呢個過程.
6個讚
疫苗，我仔有問過我，我帶咗佢去問家庭醫生。
唔識，我會直接答唔識，搵到人問就會問，問唔到就google，
順便教佢如何fact check
我會提出 可以戴口罩洗手 防止病毒入侵身體
科學家可以發明 身體外殺死病毒方法 但有時會提及 唔同人有唔同做法 (係好事) 會提到人類會自私 會怕麻煩 (懶) 會黑心
我會試轉話題 但佢兩日後仲諗緊 我講嘅嘢
多謝意見 會努力學習
小朋友 唔會手機睇片 只會 whatsapp 同搵 google 大神
呢題又好似唔難答吖
病毒係一路變緊種
唔關有冇打疫苗事
我諗法 好多人打咗疫苗 人類載體應該少咗 病毒變種會相對少 因為變惡變弱假定為 5:5 疫苗有助拉長病毒變惡嘅時間
1個讚
係嘅。你咁解俾小朋友佢明唔明?
幼稚園，可能我會用啲生活化啲嘅例子去解。其實有疫苗都一定有人唔打，好似流感疫苗咁，有都唔會打，而窮嘅國家直頭唔會有資源去打。所以病毒繼續存在繼續變種呢個係一定會發生嘅事，所以唔輪到我哋去擔心。我哋咪keep住同佢共存，好似流感咁。
如果我小朋友咁叻識問我一定會同佢一齊揾答案
1個讚
唔好打壓佢地嘅問題，問嘅係好奇，唔一定係多野諗，盡可以一齊搵答案
我嘅答案係：病毒有分DNA virus 同RNA virus，RNA 因為無做"校對"，本身就好大機會變異，一個好好嘅例子就係流感同冠狀病毒，所以流感
疫苗要年年經WHO專加建議响做過，而唔係一條方搞得掂
伸延，DNA / RNA virus 嘅分別，唔同疫苗成效 vs DNA/RNA virus
可能有人會話：咁細個，點會明?!
家長當然要生動d講，同時亦唔好怕佢地唔明