由今年六月尾樓上裝修完, 靜咗兩三個星期, 近喱兩三個月, 樓上經常發出移動枱櫈同重物之類嘅聲響, 仲會好多時就咁將啲重嘢掉落地嘅聲音, 唔止聲音, 有時會震到我哋, 佢唔係間唔時發出, 係每 5-10 分鐘左右就會有啲聲音, 最耐大概半個鐘點都有一次喱啲聲浪, 真係好煩人, 好易困擾到情緒, 有諗過投訴, 但佢又唔係喺夜晚 11 點後發出聲音, 而且我哋住佢樓下, 驚投訴會變本加厲, 唔知點處理好, 所以想請問有無解決辦法? 唔該大家先 
錄低發生時間，地點同聲音，然後去搵管理處
1個讚
以其人之道還治其人之身
叮噹法寶:
5個讚
以前樓上住一對老人家，早午晚都好嘈，拉檯櫈聲、高跟鞋行路聲，我哋曾經買埋腳墊俾樓上貼啲檯櫈腳，但樓上拒絕左，話會留意吓。但始終都無改變，住滿一年我哋搬走，依家新住果度樓上都嘈但嘈少左，多數洗廁所同吸塵拉檯櫈…唔通下次要搵啲天台單位住
你有機會搬都仲好, 我住咗喺喥十幾年, 係樓上個住客搬咗嚟先發生咁嘅事 
我想問你係經管理處同樓上溝通定係你自己上去搵佢哋傾呀? 
我想問，係敲自己個天花板？
咁咪整爛自己天花板囉 
擺明七傷拳, 先傷己再傷敵 
痴線ka 
樓主, 玩完我認真覆你, 一般公契DEED OF MUTUAL COVENANT 都應該有寫明各業主/租客有QUIET ENJOYMENT , 所以投訴去管理處係第一步, 如果都係無改善情況嚴重你可以出律師信考慮循民事郁佢, 呢種係TORT LAW 嘅NUISANCE
係咁我就放心去管理處投訴了, 我一路都以為淨係過咗夜晚 11 點嘈先可以投訴, 甚至報警, 原來係 11 點前都可以最起碼去管理處投訴。 真係唔該晒你 
希望唔使報警什至去到民事起訴啦 
自己呀，因為我唔係住大屋苑，樓下個管理員廢嘅…
我都好明白你嘅心情, 不過你搬走咗, 聽你講起碼已經好咗, 希望你下次再要搬的話, 唔會再遇着啲咁嘅住客
我都想講、樓上有四個細路、日日喺屋企跑跳、成半夜兩三點先停、其實樓下保安已好醒、知呢個單位有問題晚上都巡得密、但佢地好快又嘈返、報過警、但都係冇改善…
好想打去佢地學校講…
係呀, 真係好煩人, 你仲慘過我, 無覺好瞓, 希望有方法解決啦 