相信大部分新手媽媽同我都一樣
如果情況許可，都會想餵人奶（尤其一開始嘅黃金初乳，據說有好多媽媽抗體）
生b之前一路都有少少擔心自己夠唔夠人奶/bb識唔識啜 etc
慶幸自己好好彩，算係一個富媽媽
去到day 7 開始已經唔洗補奶粉
以下係我從醫院姑娘/催乳師學返嚟嘅資訊，少少分享希望幫到迷惘中的媽媽：
1）喺乳腺未通之前，千其唔好飲炒米茶/上奶湯水，否則會谷到石頭胸，痛到Pk
（你可以想像係已經有洪水湧緊出嚟，但你度閘未開，如果繼續上奶，就只會一路谷，谷到發燒）
至於點樣可以通乳腺，不外乎都靠bb啜/搵催乳師/靠時間耐心等候/狂飲水
2）谷緊奶時，個胸會又脹又痛又硬又熱，呢個時候你可以冷敷一下，千其唔好熱敷
記住：冷敷係for 有奶但乳腺塞咗出唔到嚟
熱敷係for 唔夠奶，想增加血液循環
所以千其唔好敷錯呀！！否則會更谷更痛
3）一定要勤力泵奶/埋身餵，我之前4小時泵一次，但催乳師話唔夠
所以依家盡量3小時泵一次，夜晚無得訓
4）我個乳頭細&短，再加上bb係偏細粒&無耐性又唔夠力，所以佢唔肯埋身
醫院姑娘比我的advice係，買個乳頭循，作用係extend my nipples 等個shape 似返平時奶樽的奶嘴
用咗nipple shield 之後bb的確係肯啜幾吓，不過好快又推開我
然後催乳師又比另一個建議我：就係埋身前泵一陣，泵到個胸無咁硬+乳頭已充滿乳汁，咁bb一啜落去已經食到，佢就會有耐性啜耐少少，不過講緊都係頂盡10分鐘一次
由於時間關係，我暫時都唔強求可以埋身，希望等bb大個啲，有氣有力啲先再比佢試，睇吓會唔會可以啜耐啲
- 本身用緊Medela swing maxi , 但催乳師話呢部機唔夠力，佢推介咗幾個alternatives比我：
a) 優合the one
b) 如果介意大陸牌子，就韓國cimilre
C) 照用返Medela 泵樽，但就喺Medela代理租同部醫院級別泵機，6個月租$2000幾
大約係咁上下
希望幫到大家喇
不過老套都要講句，媽媽們唔好比咁大壓力自己
如果真係唔夠奶就餵奶粉吧
留返啲精力湊bb仲好啦
Ps, 有興趣可以follow 我ig: 37th_week_mama
暫時真係無時間心機慢慢試
之後已經推開我
唔洗泵出嚟咁麻煩