分享今日發生我係身上既事…
話說,有對起碼買左六年,果時浦深圳某商場買既行山鞋款既鞋,算係牆國潮牌黎,成五舊幾人仔,,買果時著過幾次,個款同質料舒適度唔差,係支國認同感低唔想再著,到今日屎忽痕囉番黎著下(住著埋呢次就掉),都無乜特別,之後到收工,閃喇,落到街(位置唔想講咁清楚,因為係柒到爆唔想比人認到),總之係灣仔區仲要係六點鬆收工時間,忽然發覺右腳好似拖住D野咁,望下,竟然甩左後踭二份一鞋底,OK諗住頂住,慢行,行到去附近鞋舖之類買對鞋應急,行到好似生野咁款,行左唔夠十米,右邊成塊鞋底爽快咁甩埋係馬路中心(六點灣仔放工時間,大家想像下),好!認命,唔好同人有眼神接觸,照行(隻腳已完全感覺到香港蠟青馬路既凹凸),再行多唔夠十多米,我屌佢老味!左邊隻鞋又甩埋底,係由前面鞋頭部份開始甩,因為位置原因,逼住扮無野繼續行,被自已踩甩埋後半,成塊鞋底又甩埋唔知係邊,自已望都唔敢望扮無野…
繼續行多幾步先醒起,原來最近記憶中有鞋買既地點,係要行起碼四個街口…如果鞋無爛,正常我係要行完條橋落去坐巴士,咁多人排隊慢慢等車,好大鑊,改變主意!決定的士…但係六點…禁區…灣仔…
呢段時間先係我真正想搵窿捐既時間黎…最後亂行(避人潮而選路行),起碼一個鐘行下停下,行到一個轉位有人落的士,我先上到車…
最後仲要面對多一樣野,無現金…
最最後當然解決到,就係車到櫃員機禁錢再上番車,再車到真正屋企樓下比錢司機…
總之今日真係…唔想再記得(有好大陰影,由聽日開始要放多對鞋係個背郎帶返工先得)