女人大肚&生產已經辛苦，之後仲要面對更多身材皮膚嘅變差！
樓主會覺得好恐怖都唔怪得你，但你真係唔好表現到比老婆睇⋯⋯就算送支油比佢，都要加翻句「怕你出紋自己會唔開心咋，無論你變成點我都會咁愛你！」thanks
同意關體質事(加年齡問題)，孕婦可以參考翻自己阿媽有冇紋，我阿媽2胎冇紋，不過我都keep住揸bio oil一直冇痕冇紋，到第9個月開始見到肚底有dd紋勁驚，好彩生完就冇，不過好難講下胎依然會冇紋，sad⋯⋯
2個讚
笑左~
係囉我都覺得樓主有啲唔細心。
老婆陀仔好辛苦，生咗又驚身材走樣，而家個老公仲要開post話好驚老婆肚皮爆紋。比著我會好心淡。
3個讚
係, 我有搽但唔勤力, 好好彩一條都無
有其他媽媽好勤力搽都照爆
唯有都係照搽, 要爆都無辦法
睇到標題真係要鬧一下樓主。你老婆陀仔已經好辛苦，又要面對身型走樣，已經有好多野承受。你作為佢嘅伴侶，又唔洗痛，又唔洗肥，不如諗下點樣去支持佢，話畀佢知佢做緊嘅嘢有幾偉大，而唔係打擊佢自信心吧啦。
我覺得你買cream畀佢都要話佢知，無論佢有冇紋你都會支持佢
2個讚
系呀無講清楚，吾該
謝謝，尼隻最好用？
好，謝謝提點
可能我講得吾好，我吾系真系會驚左佢
而系擔心佢，我希望可以幫下佢手，解決吾同孕婦問題
1個讚
系呀我就系呢個諗法，放心我吾系個d老婆有瑕疵就嫌棄既人
愛佢就會包容所有野，不過都想幫下佢手
如果我老公咁諗，會好心淡
好彩我老公話就算幾多紋都一樣咁鍾意
搽椰子油, 天然又夠潤
一知道有左就搽, 無紋
個時試用過mustela肚紋膏,用完個肚紅哂,可能敏感, 之後唔敢用
我陀仔嗰時查橄欖油，夠天然冇化學物質， 生完一條紋都冇
個肚一大得太快皮膚撐唔住就好易爆紋，唔好暴飲暴食
買多啲有骨膠原嘅補品比老婆，增加皮膚彈性都有助減低爆紋機會
唔係想批評D咩…但想問一句,如果佢真係出紋你會點?
我自己就,一直用CREAM,一直保持得好好,但到最後一個月大爆發…
真係唔好比老婆聽到,因為一定會好唔開心…
我用左兩胎都無出紋
我三個月開始搽cream
一去到7/8個月都爆
仲要大脾 肚底都係
生完兩年喇 依家都未退囉
做女人生仔要痛
老公唔好講身材呢樣野
講真 個個女人心底都好介意
如果佢在意 自己都識上forum問架
你老婆本身有無睇呀？有時你買左番黎又未必岩佢心水
或者你可以同佢一齊睇呀
我覺得樓主可能都係好心先幫手問，不過好意還好意，有d野講左真係會hurt到老婆
1個讚
驚？佢幫你生仔仲多野驚喎
咁佢出紋咁點算呀？