佢都有睇，不過佢系吾做功課既人
我擔心佢到時比人哄下哄下亂買，平時都系我幫佢做功課
可能我冇講清前因後果令大家誤會
應該咁講，我知道老婆見到佢個肚會咁，佢會吾開心
但佢本身系比較大頭蝦，吾做功課既人
所以我先上黎請教下大家，到時要陪老婆買，我都有D基本知識
1個讚
搽咩唔係最重要，反而勤力搽先係重點！抵用我就覺我bio oil，我陀女個陣番緊工，每兩三個鐘去一轉廁所搽，而且唔係只防肚紋，胸，大脾，屁股，通通搽！呢D地方都有機會爆紋！
其實我覺得你係好老公，會為老婆著想！不過老婆都要做少少功課，熟悉多D，希望你老婆唔會出紋
1個讚
謝謝，學到野
我淨系見家姐個肚超多紋，勁密集一條條
原來咁多地方都會出紋，我要提點一下老婆先
承你貴言啦，最緊要母子平安
加油！我就係有朋友肚無事，但大脾爆左紋，好陰公！
clarins , beyond 都好用
呢兩隻都可以不過幾貴下！
clarins 貴但我覺得唔好用
maternea 比較少人用但我覺得最好
佢仲有腳部舒緩膏都好有用
我覺得bio oil最平最抵用
我大肚果時，真係由頭搽到落腳趾尾
面就用返平時護膚品
胸用clarins緊緻孔霜，產前媽媽都用得
肚用Mustele妊娠緻膏
大髀用bio oil油
小腿至腳板底用Mustela足部gel按摩
好彩生完肚一條紋都冇
最緊要唔好懶，每日至少樣樣搽一次，最好早晚都搽
用咁多牌子？會唔會唔太好，吸收太多唔同既野
唉，我都有試過用同一枝搽晒全身，但係皮膚唔接受
試過bio oil搽全身，搽落腳冇問題，但搽落肚個肚就油淋淋好痕。用mustela搽落腳又唔夠潤，因為腳會做少少按摩防抽筋。
我覺得最緊要係嘅產品成份本身係可以比孕婦用，牌子應該唔係最大問題。
我用bio oil搽肚又無咩事喎，應該係大肚皮膚痕啫
Bio oil幾抵用可以搽晒全身
Clarins搽全身真係好燒錢
肚漲皮膚撐開會易痕，未必關bio oil事
我都係用Bio oil，都係一直無痕無紋，雖然話好好關遺傳因素事，不過搽左好過無搽
26歲第一胎, 我由知自己有左(4,5wks)開始就日日搽油,
因為我好怕有紋…
我大肚時個個都話我肥胎唔肥人, 著鬆身d/睇背面完全唔覺大肚，
結果34定36開始爆紋,
我媽同2位家姐第一胎都係無紋, 仲話出院後個肚已經收左好多(開刀), 我生完個肚超核突…又墮又巢皮又黑
我仔都1歲, 磅數去返大肚前,但個肚皮仲係鬆泡泡