今日37wk
BB由32wk開始照超聲波 腰圍都係偏細，但係每次都有增長
今朝返廣華產檢，醫生睇完診所嘅超聲波報告，話BB偏細碼，又足月，所以建議催生。
我唔係好明咩邏輯，反正又未到預產期，點解唔俾佢留多幾星期？不過再問，醫生都係講返同一番說話，唯有聽醫生講
有無人知點解呀？我唔想BB出到來要瞓箱呀
有朋友都試過咁ge情況。去到孕後期, bb最長胎, 醫生會用bb的體重/size 去衡量胎盤個功能, 如果bb一路都唔太長胎, 可能係胎盤功能開始退化或者唔健全, bb根本吸唔到媽媽營養, 倒不如早d生出來俾營養佢, 所朋友37週都催生咗。而家bb好健康。如果你真係唔想, 不如叫醫生解釋下點解有呢個建議, 催唔催生又有咩風險, 等你自己判斷。
8個讚
或者睇多個醫生？
政府醫院如果主動話催生，可能都真係有需要。不過如果擔心可以問多一個醫生
唔明問到明，一係睇另一個醫生
1個讚
我都曾經係咁
跟住嗰個星期狂食牛肉飲奶之後肚圍升返就唔使
其實我都想佢早D出來，因為到後期陀住真係幾辛苦，但係唔係好想用催嘅形式囉
我36週左右去QE檢查，醫生叫我催生。
我為咗令BB足月出世於是揀咗37週嗰日入院。（醫生本來想我過2日就入）
我催生嘅原因係因為胎水多（但做咗2次糖水測試都合格），BB頭圍大（但唔知點解我個肚又唔大），醫生驚我生唔到，於是叫我入院催生。
我朝早入院檢查，下午12點入產房+落催生藥（醫生話我子宮頸已軟化所以無塞藥，點滴落藥only），不過去到4點左右先開始痛，6點開始大痛，夜晚11點生咗。
我個人覺得催生唔係好痛（我忍到啦）無打止痛針嗰啲，吸笑氣only。你唔洗太擔心嘅，早啲見到BB都好。
1個讚
同埋食烚蛋
催生係咪會痛d?
我之前個醫生話個B出左黎可以做好多嘢，係肚入面有咩事急起上嚟醫唔切。
我當時係胎盤老化要催生。
我呢幾星期大約隔日食兩隻恰蛋+滴雞精
1個讚
醫生完全無講過胎盤或其他有問題，照過胎水都合格，淨係話佢足月架啦⋯⋯需要足月姐，又未到預產期，做咩要催
催生痛少d喎，快快生出黎，幾小時搞掂，唔洗痛幾日。我都係催生，幾好
可能你bb偏細碼，怕係肚入面唔吸收，足月咪可以出黎直接餵肥佢掛
，我估咋。
足月代表bb發育完成，隨時都可以出世，唔洗一定要等到預產期。
更何況依家bb偏細碼，最驚係因為胎盤唔得，搞到bb吸收唔好，最危險係bb會有生命危險。
Bb依家催生出世就冇風險，bb繼續係肚就可能有生命危險，你自己決定聽唔聽醫生話冒呢個風險囉。
3個讚
請問有無update？ (關心中)
啱啱先睇到呢個post，話說我b都係上年10月，同一理由，37w4就催生出世，當時醫生就係話驚胎盤臍帶有問題，供唔夠營養，驚再拖連氧氣都供唔到，最後我b 4.88磅（生長線3，比起35w產檢時預計重量更輕，即係最後兩星期無大過），剛好唔洗瞓箱，宜家10個月，上個月去私家打針磅過已經18磅（生長線50），托賴健健康康，所以如果有媽媽係呢個情況，我都會建議催生
3個讚
當時催生好順利，8am過房，9am醫生來到人工穿羊水、落藥催生，10am開始痛，14:47就生左啦。慶幸因為BB細粒，所以生得好快。
BB依家9.5m，健健康康，好活潑
22個讚
BB好可愛啊
佢都好乖，醫生催生幾個鐘就搞掂
我嗰個催生冇反應，最後要食全餐