7歲
好難想像
樓主有無搵專家做評估?
我地去過某教會的輔導中心，姑娘有提過佢係敏感孩子。其他測試就冇做過。
其實我就係Struggle緊要唔要再去做d咩評估…
咁上堂同上playgroup時有冇遇到咩問題?
我個仔都係2歲幾
比唔識嘅人hi到佢少少都會話好痛
出街，好遠地方做工程會話好嘈
佢嚴重到比BB摸下佢塊面都唔得
同埋佢地會唔鍾意沖涼、擦cream
果個testure令佢地覺得好困擾 好唔鍾意
番學就更加有問題啦
宜家好彩叫肯番學
但未有朋友仔
面對高敏bb，
唯有比多啲耐性，唔好覺得佢誇張同講大話
因為佢地真係感官好敏感，一啲好小嘅事佢地會覺得好困擾
2個讚
平時睇開嘅channel 都有講起呢個topic
一共三集，呢集係最後一集
https://popa.hk/research/professionals/感統問題發現記03｜原來媽媽兒時也有感統問題？/?fbclid=IwAR3BDNPn9CK9dVnDFqzK50BHEDWKszgsW-IbggMH9P2BJPpmGZtfI8axbw0
1個讚
會比較易喊，好小事都會唔開心。 不過同樣，亦都會比較唔怕悶，好小事都會開心 
擦cream真係大難題，成日好怕濕同笠個個感覺! 小小傷口好大反應，痛到入心入肺咁既樣呀真係~
我女前排(5歲)怕搭地鐵，覺得好嘈同埋好不安(成日有廣播叫人唔好食野，唔好睇手提電話，唔好跌親又或者電視會有小偷或者有人唔小心跌親既影像)…同佢講搭地鐵，佢會喊，係好驚恐不安咁喊。 TUM都冇用，見到佢咁我有時都好炆… 個排我好傷心，坦白講覺得自己生左個非一般(說實話就係"唔太正常")既女 
，好怕長遠下去會影響到佢既生活又或者大D會俾人歧視… 好彩之後爸爸好有心機帶佢多搭地鐵，短程長程都練習。過程不停同佢傾計，介紹有趣既地鐵有關事物俾佢聽，又不停解釋點解有廣播/點解廣播要咁大聲同廣播內容其實係重重覆覆唔駛太著意等。阿女最後都都好接受搭地鐵呀! 好感動! 
你講得好岩，只能夠俾耐性佢地。佢地天生係咁樣，並唔係佢地玩野扭計想控制大人。
我女女已經5歲半，情況已經好好多(eg 件衫有一滴水佢唔會再大喊，只會問我可唔可以換過件，有時我話好小事唔緊要唔駛換佢都冇再堅持 
)，因為越大佢地既經驗多左就冇咁怕又或者習慣左。各位高敏兒既爸媽，都辛苦喇，前路漫漫，大家一齊努力~~~ 
1個讚