大家好!
我家有個高敏感孩子，今年4歲。湊得我好攰…筋疲力盡。
有冇爸爸媽媽有相同情況? 分享下湊佢地既心得。
有乜症狀呢?
個人經驗，非常玻璃心，需要多d鼓勵同關懷，要多d鼓勵講出內心感受，多d鼓勵行動嘅勇氣，高敏兒其實係聰明，觀察力好強同好有創意，多d係呢d方面培育可能會有好表現
4個讚
網上及書本都有以下測試/特徵 : (我個女中9成9…唉)
-
容易受到驚嚇。
-
抱怨衣服粗糙扎人，襪子縫線不舒服，衣領標籤磨得皮膚癢。
-
一般而言，不喜歡大的意外驚喜。
-
用溫柔的勸說比嚴厲的處罰有效。
-
好像可以讀我的心。
-
語言能力較同齡小孩成熟，會使用超齡的詞彙。
-
會注意到最微小的不尋常味道。
-
幽默機智。
-
直覺強。
-
經過興奮的一天後，難以入睡。
-
遇到重大改變有適應困難的問題。
-
如果衣服濕了或弄髒了就想要換衣服。
-
有問不完的問題。
-
是完美主義者。
-
會注意到別人的不開心。
-
喜歡安靜的玩耍。
-
問深刻而需要思考的問題。
-
對痛苦非常敏感。
-
在吵雜的環境中會顯得焦躁不安。
-
會注意到細節(例如你動過家裡的擺設或是換了髮型)。
-
爬高之前會先考慮安全。
-
沒有陌生人在場的時候表現得比較好。
-
對事情有深刻的感受。
3個讚
睇落…好難攪…
佢仲未識表達，仍然係成日喊，好怕事。我明白係天生既特質，但真係苦無出路…
高敏兒內心好脆弱，比多d安全感同信心佢啦
我覺得佢唔係"唔夠"，係直頭"無"安全感同自信心…
佢歲幾兩歲人仔個時，我帶佢去朋友屋企玩，未入屋，只係行屋苑的平台，佢已經好似入左鬼屋咁，四圍望，表現驚慌，當然入屋個時就大喊唔入啦…
可唔可以指教下，有咩方法可以改善佢地脆弱既心靈?
下次出發前同佢講定依家去邊，係一個點樣嘅地方，有d咩人，如果唔舒服我地隨時可以離開一陣，睇下佢覺得有選擇有後路會唔會好d，湊高敏兒真係好大挑戰，加油
睇完你個list我個大女都係
勁怕生保，生活上影證件相、同其他小朋友玩一律唔ok
黎緊in 幼稚園打定輸數
我同個女，中左9x9…
睇完呢個post先知我自己細個係高敏兒 
1個讚
我小朋友都係高敏、但佢語言發展遲緩、四歲先講嘢
每5個就有1個係高敏，好易中
加油呀
我既經驗係，去私校幼稚園，老師普遍比較有時間同耐性去同小朋友破下冰，所以小朋友表現都好d。一d傳統既幼稚園，由其是龍校，面試人數好多，好多時都比較機械化，你小朋友一表現不安，學校就會foul你架喇。
多謝指點同鼓勵
咁佢一講野就講得好叻？
我都係，我細個經常投訴啲襪腳趾線非常唔舒服，衣服標籤會搞到我不斷痕發脾氣，濕少少都會唔開心，阿爸阿媽以為我大驚小怪造作，唔理解我。
講野 2 歲都已經好流暢，s 音、j 音呢啲全部都好清楚，但唔覺有超齡詞彙，最多都係畀人話老積。難入睡有，咪搞到讀全日制 N 班 K 班畀人投訴唔訓。
我都覺得自己好鬼煩。鬼咁多野講又投訴細緻野又唔願訓。
1個讚
咁佢一講野就講得好叻？