阿仔三歲，進入左no no stage，不停挑戰我地底線，叫佢做乜都唔做，勁大脾氣
我同老公日日都爆炸；唔想鬧佢但一日真係忍唔到幾多次。由起身刷牙換衫出門口到夜晚食飯瞓覺，全部都要發一輪脾氣。冇時間限制嗰啲還好，好似朝早趕時間，夜晚玩到十一點，真係搞唔掂。
大家用過咩方法應付no no stage?
上網睇過好多講要尊重佢地，先用冷處理，分散注意力等等，有時得有時唔得
例如食飯前因為係人地叫佢去，所以情願唔食飯都唔去洗手，最後我帶左佢出門口企左陣，（佢開頭以為係玩，後尾發現真係齋企就自己話要番去洗手食飯），用左10分鐘和平解決
但夜晚佢要睇書唔肯沖涼，本身冷處理（因為睇書係好事），但點知佢睇到十一點，中間有同佢set過時間，結果核爆收場。。。
我有用麵粉泥膠整左個發泄包俾佢，其實幾有用，佢嬲嘅時候可以揸佢掉佢，佢都會同佢講點解唔開心，我會中間話個發泄包教佢可以點做，佢會聽，不過用左兩個禮拜又唔work
同佢講其實我地都好想知道佢諗乜，但佢好多時都係「我唔睬你」
大家有咩辦法應付no no stage?
睇吓乜嘢事say no, 大原則如果係返學果d就會嚴d, 點都要返咗學再同佢講唔可以唔返學 Bla bla bla…
如果係平時食嘢發脾氣通常講道理，佢唔聽就冷處理佢。
我仔都剛3歲, 都想聽下其他家長點同啲3歲仔 交涉/ 理論/ 處理佢地既情緒 
佢其實一早已經好有主見。。。 挑戰底線都係不停發生既事。。。 我果個而家發脾氣就唔講人話, 依依哦哦係度喊, 我會同佢講 “媽咪唔明你唔開心啲咩, 你唔講我好難幫到你, 你冷靜話俾媽咪先” 通常一開始都係無反應照喊, 我會俾佢喊，之後話 “媽咪想tum 返你, 你喊完過黎同媽咪抱抱呀”, 佢通常見得唔到想要既野, 喊多陣會過黎搵我, 抱完冷靜左先講到我知佢其實想點。。。 有時我估到佢炆啲咩，我會講 “我知你想 xxxx, 但我地要準備返學啦，我地唔可以xxxx 啦, 你喊多陣我地都係要返學架” , 我發覺我愈冷靜, 佢愈快收檔
但我老公係好傳統果啲爸爸，一喊就大聲叫佢收聲。。。 結果喊得仲癲。。。 兩公婆呢3年就教養問題嘈過好多次。。。 開始有啲共識, 佢無咁惡, 我無咁緊張 (俾個老豆駡下個仔唔會死既, 又唔會咁易有心理影響既)
不過當然我都唔係次次忍到個仔癲喊。。。 都有爆過佢幾次, 但爆完自己又內疚。。。 
基本上每日都係嗰個循環
起身刷牙換衫99% no，去左玩/睇書，試過俾5分鐘做佢想做嘅野，但都係唔夠皮，成日都搞一輪先出到門口
夜晚食飯前又係唔洗手（話同佢鬥快跑去厠所有時都work嘅）跟住沖涼例唔沖，半個鐘起標，到瞓覺，已經同佢講晒故事，但去到張床都係唔瞓，唔睇住佢會自己走番出黎
仲有好多其他野，前幾日先扭電視扭左兩個鐘，超硬頸
我都有引導過佢講自己嘅需要
不過有好多時候係好清楚佢想要乜，但唔可以滿足佢
我同老公都係燥底型，好多時都係見另一個忍唔到就自己頂，一人一次咁
佢係超硬頸型，扭個lego扭左三日，我地講極送緊貨都扭
我地不嬲都唔縱佢，所以其實佢知扭都唔代表有，但佢都係可以發泄好耐，我老公已經頂唔順佢喪喊
我自己都係鬧完佢好內疚，上網搵下應該點處理先對佢係最好，但睇還睇，唔係次次都忍到，可能其實要整個發泄包俾自己
我仔都3歲半，但都無遇過no no stage，佢由1歲半開始我已經唔會縱佢，細個已經要自己執玩具之後洗手食飯，如果唔執玩具，後果會係收埋D玩具一個星期都無得玩，頭幾次佢無執，我真係收埋，佢點扭都唔會有得玩，如果扭我會詳細咁講因為上次無執玩具，所以要罰佢無得玩，幾次之後就會乖乖地執玩具。洗手都同樣地唔洗手就無得食，喊過好多次，無洗手就無。要佢哋明白前因後果，家長要講得出做得到，咁先可以建立到威信，如果唔係小朋友只會越來越扭，因為佢知你會心軟。另外，如果要熄電視或者夠鐘收玩具，一定要預早5分鐘或以上通知小朋友，等佢有心理準備先，如果一下子就話無得玩，小朋友會好易喊同扭，所以要提早同佢哋講。雖然而家已經3歲，可能要耐D時間，但只要持之以恆應該都可以慢慢改善。加油
每件事俾2一3options佢揀，唔好俾機會佢講no。
例如要佢刷牙洗面，只問佢，你想刷牙or洗面先。
夠鐘就收玩具，只可以俾佢揀執玩具or父母沒收玩具。
沒收玩具後，24小時都唔會有得玩。
例如食飯，只俾佢揀食餸先定食白飯先。
如果7am要出門返學，就預多些時間。無時間就skip早餐。我小朋友試過一次餓住返學，以後都唔敢扭計唔起床和食早餐。
要諗下點解佢say no。
有時因為想自己選擇，唔想跟你做，你要求的佢唔想做。唔好諗住樣樣都鬧先，鬧得多無用又傷感情。
冷處理及set timer 都得，不過如果用到set timer 我會同講定過左時間喊都無用，都係無得睇。當然佢會喊幾次，睇吓你講既係咪真，咁就真係隨佢喊，安慰下佢，但堅持唔俾。
另外仲有d方法可以中止哭鬧。因為哭鬧期間，小朋友會堅持，同埋聽唔入耳，所以必先中止哭鬧，回歸理性先。
例如，俾d意想不到既反應佢，佢喊佢會預期你是嬲或者唔開心。你可以無端端大笑，無端端好驚訝
，「嘩！你後面個d咩黎架？」轉移視線，等佢忘記自己哭鬧緊。平時要準備突然會叫既玩具或圖書，呢啲時候俾佢聽d怪聲。
另外，可以令佢必須要做既野變得有趣，同埋要俾小朋友有選擇的空間。例如，佢必須刷牙，但可以選自己喜歡的牙刷，牙膏既口味，而且要多變，例如今日藍莓味，聽日提子味。
沖涼，可以用多d不同既物品做玩具，例如不同既杯、器皿、海棉，平時玩既玩具，令佢覺得沖涼好好玩，唔去沖好蝕底。
本身大人對小朋友都唔好講 no and 唔好
將No 變做Action嘅句子
可能我冇預早提佢就黎夠鐘，所以就算個鐘響佢都係唔肯停，同埋佢真係有太多玩具，我地都有收起佢最鐘意嘅玩具一個禮拜，但因為佢有其他野玩所以佢覺得冇乜所謂，可能要收埋晒啲玩具先
我地都有俾佢揀，但佢做左第一樣就唔做第二樣，例如想刷牙先定換衫先，揀左換衫先，換完都係唔刷牙
餓佢我唔緊要，但佢餓住番學會同老師講，結果老師會俾餅乾佢(學校負唔起餓親小朋友嘅責任)
其實啲建議真係有用，不過每日放工番黎仲要諗咁多野真係好攰同好挑戰自己嘅EQ
呢啲我都試過其實真係work但前提係自己冷靜先做到
我發現佢日日都係咁自己越黎越易爆，或者應該將個topic改做點可以提升no no stage阿媽嘅EQ
不過沖涼已經試過好多方法，佢每日都可以揀玩具，有同佢扮過消防員、火山爆發、射牆上面啲魚，俾佢自己沖涼讚佢大個仔，玩多幾日已經冇效，媽媽表示冇貨賣喇
呢個我自己都要留意，但有啲野冇得避，唔做得就係唔做得
佢宜家係feel到我地唔俾佢做某啲野都未講出口已經話「我唔睬你」，直接發脾氣，連同佢set time 都做唔到
有冇問過佢點解唔鐘意沖涼？3歲應該可以表達到自己。我仔細個都唔鐘意沖涼，原來佢驚洗頭，咁就要諗方法拎佢唔驚，之後就願意去沖涼。如果冇原因，我會同佢講唔沖涼會污糟，冇得上床瞓，只可以瞓地下或梳化，之後個晚就一定唔俾佢上床，無論佢點喊都好都唔可以上床，如果佢堅持唔沖涼就俾佢瞓地下或梳化（當然要係安全環境下）。對付小朋友一定係堅持堅持再堅持先會成功。如果覺得瞓地下或梳化呢個懲罰唔好，可以罰其他嘢，例如咁污糟媽媽唔抱之類。其實就係要佢哋知道前因後果，3歲已經明白好多野，可以溝通到架啦。
有問過，以前係驚洗面，但已經解決左
宜家佢似係唔想跟我地個時間表做，但佢似乎百毒不侵，你罰佢咩佢都冇所謂，同佢講唔攬佢唔抱佢佢會直接爬上你身，你唔俾佢爬嘅方法只有我喱埋（變左好似唔要佢咁）/老公捉住佢（結果佢因為被禁錮而發第二輪脾氣）
唯一有阻嚇力嘅係話佢係bb
你同佢講大哥哥就會咁叻去沖涼/洗手/換衫，bb先唔識架，佢會答你：我唔做大個哥哥，我做小朋友
然後我又要同佢講小朋友都識，得bb唔識
然後佢會行兩步然後內心天人交戰於是再發脾氣
其實我地好堅持，不嬲都冇因為佢喊而就佢，但宜家似乎係我地嘅情緒被佢挑到個臨界點，好驚再咁落去我地會爆（已經好勁咁鬧過佢幾次，其實知道咁對佢好大傷害）
睇嚟你小朋友都幾固執咁，要搵到佢弱點先諗到咩嘅懲罰方法。你可以試吓唔抱佢之外，就算佢爬上你身都唔好同佢講嘢，無論佢同你講D乜，你都答佢「你唔肯xxx，媽媽唔開心，所以唔想同你傾計啦。除非你肯xxx，咁媽媽就同你傾計。」直到佢肯妥協為止。如果佢繼續發皮氣，你就由得佢，只要係安全環境下，佢想發脾氣幾耐都冇問題，對住小朋友真係要EQ高，深呼吸一下，同自己講要冷靜要堅持，因為真係一場耐力戰。加油
會唔會驚水入眼，因為小朋友會唔適應？
有冇試過買d特別玩具？我囡之前都唔鍾意洗手或沖涼，買了細菌印仔蓋係手，叫佢去洗。沖涼近期買了個可沖涼時吹泡泡的沐浴露。可以揀沖穿涼穿咩衫。
但係哭鬧係一定要忍一排，唔理佢。也都可以抱起佢安慰佢，但不會答應。「係啦，我明架，無得玩要沖涼，你好唔想。我都試過架…」跟住我就上網搵左d牙齒好黑，頭髮痴埋一舊個d相俾佢睇，「但係媽媽唔想你變成咁，我覺得好恐怖，又好易病」趁佢唔為意一邊講，一邊除佢衫。
又播下d沖涼兒歌，同佢一邊沖涼一邊唱歌。
好多謝大家意見呀
我番左去試左一個禮拜，例如同佢一齊整時間表，俾多啲選擇佢，情況係有少少改善
不過關於沖涼，我地發現左樣頭都痕埋嘅事；原來佢係因為覺得沖涼就要瞓覺，但佢唔想瞓覺所以就用唔沖涼黎拖延
佢真係可以做到我地唔瞓佢都唔瞓
試過同佢講沖涼可以玩多陣先瞓 – 我唔睬你
試過同佢講過左十點/鐘響都未沖涼就冇故事聽 – 第二日直接你未口已經話我唔聽故事
試過同佢講唔沖涼冇得番房瞓，仲真係封左佢間房 – 打地舖一覺瞓天光，明明平時一晚醒幾次
佢真係好唔鍾意瞓覺。。。
你小朋友嘅堅持真係好㔜如果唔想瞓覺係唔係因為想繼續玩？或者想你陪佢玩？
我小朋友都成日想玩唔瞓覺，我會同佢解釋明天早起身都可以繼續玩，唔係唔俾你玩，但夠鐘就要瞓覺，如果唔係會病，病咗唔舒服就可能要去醫院架啦，所以要早D瞓覺。因為我小朋友之前試過發燒入咗醫院，好怕入醫院。
我覺得你仲未搵到小朋友嘅死穴，即係佢最怕嘅嘢，如果搵到再加以利用因果關係同佢慢慢溝通就應該搵到解決方法。希望你繼續加油
咁係時間表上面提早沖涼（before 晚餐），然後安排玩嘅節目？
咁佢望到天未黑又未食飯，應該冇咁抗拒。
仲有就係無定時沖涼，等佢淡化左/迷糊左，失去左個「臨訓沖涼」個情緒/感覺。
不過同上，一定要搵到死穴，而且約法三章，遵守約定執行賞罰，唔可以畀佢扭到。