我女剛歲半, 佢初生未過12朝真係食同訓，但12朝後就好多時唔訓加喊。。我果陣真係崩潰，我已經餵奶粉，好唔好湊真係睇BB性格。我女去到1歲後先訓得多番dd同冧。
不過，捱過左就無乜野，我感激隊友，婆婆同姐姐幫手，真係好好多
（利申：我係無乜用既媽媽）
2個讚
初時係辛苦到想死，加上產後抑鬱haha⋯⋯我有陪月有阿媽幫手都唔掂！聽到B喊但又搵唔到原因真係好心碎！
不過第二個月就會好好多，開始知佢喊乜，或者習慣聽到喊都冇咁驚慌 一步一步慢慢黎 笑住面對，其實佢喊嘅表情都好多變化 幾cute架～衣加我係屋企長期戴耳塞，減少50%聲浪對EQ好有幫助。
BB好搞笑架，每期都有新鮮嘢，例如上個月仲肯乖乖係張椅到自己飲奶，呢排毛啦啦又要抱住又要行先肯飲，仲飲得又慢又少，有時飲一半掃好風都依然唔肯飲加大喊真係冇佢乎⋯⋯奶嘴奶樽都換過幾款，一時一樣，同一日都可以變幾次喜好，都冇辦法⋯⋯過得一餐就一餐。
生之前嘅好多決定都keep唔到，例如唔食奶嘴，用杯餵，唔補奶粉，用布尿布等等⋯⋯不停降低要求令大家都會舒服啲。
餵人奶係初頭辛苦，之後就會好順好方便，因為我初頭都又痛又冇奶想放棄n次，bB直到衣加都唔肯埋身啜，但我已經習慣左泵奶、洗泵，每日餵到50-70%人奶我好滿足了！
3個讚
Same here!
唔好咁執著, 一定要咁咁咁，個個bb都唔同， 唔好同人比， 人哋嗰個食到4安奶你就一定要食到。
佢瞓你又瞓， 喊就拍下先再抱， 到差唔多滿月就可以調一下時間， 俾佢適應下唔使食夜奶， 咁好快就過到一個月。
Good luck!
唔係呀，私院。但周圍既人都講到母乳好無敵咁，所以去查下數據，發現唔係果回事，好多人放大左母乳既好處。
我都係相信呢句
母乳既好處其實唔可以持續，一停母乳就抗體都停埋，而且長遠既追蹤研究發現，母乳同小朋友身體智力發展都冇特別關係。最緊要老婆湊得舒服，佢湊得舒服，呀仔又會舒服，我就開心！
我地完全冇定到原則之類，都係最緊要俾時間摸清楚bb性格。缺乏安全感既，最多長期抱住大。忟憎既，慢慢摸清有咩會觸發情緒波動。容易嘔奶既，試下唔同方法令佢消化好d。
一切都係等bb出世而定，好flexible，因為bb係新生命，唔係我地既附屬品。
1個讚
唔使堅持喂母乳，但可以試下，唔使一黎就堅持喂奶粉。反而沒壓力咁試下，會比想像中容易好多。
而且喂母乳其實好舒服的，非常適合好似我呢D懶媽咪，你“那”高件衫就得，出街超方便，唯一缺點係媽咪長期要同bb一齊，但喂過母乳就知個種親密感係好舒服同充滿愛的，好享受的。
利申我係母乳條路好順利，所以我會好推薦各位媽咪試下先，唔鐘意咪奶粉囉，唔好有壓力。
我都只有工人，沒長老，基本上坐月+頭個幾個月，我工人姐姐主要就係狂煮比我食同埋其他家務，BB我自己睇，佢訓我就訓or休息，我好鍾意頭個幾個月的時間，攞正牌食訓hea！
我會推薦你睇多D點喂母乳同關於頭幾日上奶既信息，我覺得好多媽咪因為唔識同唔知正確的信息而令到自己好大壓力。
其實真係唔係人人做到，
好睇性格
我覺得係平衡利弊
依家有好多人神化母乳亦係事實
我有媽咪同老公幫手，我兩胎都淨係負責餵奶泵奶，所以唔辛苦
有姐姐幫手好好多，只少唔洗兼顧清潔工作（初生好多野洗）。
我覺得最辛苦只係要捱眼瞓，同埋如果佢食唔好痾唔好，係會煩惱d。其實問題，只要唔好太執著就得，如食奶咀問題、堅持全母乳（利申：我之前係母乳媽媽）。
我囡算好湊，但對我來說初生是地獄
唔知你係私家定政府生。都我來說有影響，政府生根本無休息，我個兩日，成日來回兒童病房，沒有休息，根本就不上奶。
另一個是餵母乳，因為已看了很多書，聽了很多講座，但同現實係兩回事。因為無奶就係無奶，唔係你學幾多知識，用幾多努力，不停去做就有用。肉體痛苦，心靈痛，我堅持不補奶粉，差點導致後果⋯⋯
如果太太有情緒病，當然不一定要餵母乳，但你有跟太太商量嗎？佢接受嗎？
佢也可能隨時改變主意，要有兩手準備。
我個仔4個幾月，早排係一樣情況！
好精神又係咁撩人玩，我地估應該係厭奶期
每餐食少左差唔多一半奶
不過見佢無咩異樣就由佢，唔食就唔食啦.
每餐開少啲先，食完一樽見佢仲有意欲既先至再開
咁既情況都維持左一個幾月，慢慢會好
2個讚
大仔一天黑一定要揾我,試過一次夜晚去飲,到九點幾屋企人攪唔掂急 call我返歸
二仔胃淺,一餐奶要分好多次掃風再飲,如果唔係一定嘔奶（係音樂噴泉式發射）
三仔touch wood由細到大都ok好湊,可能有經驗知道點handle
而家佢哋十幾歲啦,睇返轉頭都唔係好難湊,仲好回味添
1個讚
其實你有工人已經好好 如果可以的話就請多幾日假/request work from home咁就可以屋企多個人幫手啦 最主要係唔夠瞓同未必第一時間知bb喊乜囉
未經歷過， 第一次經歷會覺得辛苦， 但到d 仔女大咗有更難處理嘅問題出現果陣， 諗返起初生其實唔算辛苦。 所以都係有個心理準備會好d
我本來都覺得自己果個好難湊，但係而家BB大過左，比較下親戚朋友嘅BB就覺得原來自己個B好好湊。至少冇病冇痛，食得訓得，唔洗抱住訓又肯食糊仔。
不過生完果陣都係覺得好辛苦，好難過。好可能係賀爾蒙影響，加上無論幾好湊都係需要捱夜。有工人全天候陪住媽媽係好啲。
我反而覺得餵人奶唔係問題，唔追求全人奶就會輕鬆啲。因為半夜BB餓可以直接塞佢落個胸度食，唔洗沖奶，唔係氹住係幾爽嘅（仲洗少好多野
）。來緊冬天，半夜起身會仲辛苦，加油呀新手爸爸媽媽
如果bb肯啜的確係，但我冇咁幸運。
BB唔肯啜同上奶慢係互相惡性循環。
其實我頭兩個月都完全埋唔到身，係屋企人叫我試下餵奶粉之前俾佢啜下，慢慢佢先識食同埋上到奶。
頭果兩個月過住洗奶泵洗奶樽嘅生活簡直係地獄