我個仔下星期出世，但我地兩公婆仲好似想像唔到有幾辛苦，而身邊個個都話會辛苦到爆
所以想問，有冇人覺得湊初生bb係唔太辛苦？
Ps 冇四大長老幫手，有一個有經驗工人姐姐貼身照顧
Pps 唔想老婆辛苦，餵奶粉唔餵人奶，勿打頭
我覺得唔算難湊。
我都自己坐月，冇4大長老幫忙，冇工人，冇人幫手，
我餵母乳，係初時叫做訓得少d，但真係要學識唔好手機不離手，因要一有時間就訓，唔好諗咁多，放鬆d。
5個讚
如果諗住餵奶粉，唔餵人奶，夜晚嗰次奶你幫手餵，日頭姐姐幫手，其實唔太辛苦。當然都聽過有啲好扭計就會辛苦啲，但其實坐月好快過，所以唔駛太擔心呀
1個讚
多謝你地！因為就算朋友好仔細咁講幾辛苦，我同老婆一直都唔太覺得會超級無敵辛苦
咁我繼續放鬆心情等呀仔出世
而家諗番初生唔難湊
只不過因為食奶換片好密
搞到係無得訓/斷斷續續咁訓咁解
2個讚
如果你捱得眼訓，一啲都唔難。逢山過山轉眼又兩歲幾~
鄙人係新手爸爸，無4大長老無工人，經濟支柱。
1個讚
如果媽媽有人奶，最好餵21日人奶，FOR以後會好湊好多，呢個係正遁環。
弱弱一問，點解係21日既？
有心理準備唔夠就得架喇
bb頭一個月都係訓得多
食飽就訓又或者掛住訓唔食
當然會有易湊嘅bb，但「無諗過咁辛苦」同「原來都唔係咁辛苦」兩個情況，一定係前者居多。做足心理準備好啲。
3個讚
一切都係比較
比較起做父母前一定係好辛苦
但比較佢大過咗要教要拍片interview的時候
初生真係唔算辛苦
2個讚
真係好難講個喎，都要睇埋BB本身嘅個性。
好似我朋友個B，食飽瞓，瞓飽食，冇乜點喊，飲奶又順利；
我自己嗰個，日又喊，夜又喊，飲奶超慢，飲一餐已經用咗兩三個鐘，差啲崩潰。
2個讚
姑娘講的，如果唔夠奶，都盡量餵21日。咁BB先有足夠的來自母親的抗體。
好多情況只要KEEP住做得啱，係會令到整個過程拱桿式舒服。
例如初生BB只要三樣嘢，飽，舒適，安全感。咁就要餵奶定時，有POPO就即刻清，要抱抱就即刻抱。啲老人家話尤佢喊開個肺果啲千祈唔好信。
我生兩個，兩個都唔難湊，食飽就瞓，無點扭計，只係3，4個鐘頭餵一次奶，食飽就瞓，佢瞓我又瞓，好舒服。
有
，我兒好懶，出世喊一第一口之後就唔喊，肚餓大小二便唔喊唔醒唔出聲，幾日幾夜都係訓,我當時好擔心，問姑娘佢係咪啞架？你要叫醒佢食先食。一直都係鍾意訓，醒左唔出聲，原來天生就係好靜，滿月就戒左夜奶，一覺訓天光，訓醒望住人笑
2個讚
好句好句
其實熬得到唔夠瞓，而bb 不是打大佬級，一般都攰住熬過頭幾個月。
有時小朋友大左，你會懷念bb初生的日子。
3個讚
預左係訓得冇之前咁好，但總知有時間就訓，2公婆冇野搞唔掂嘅，有唔明隨時上嚟問，大把人願意解答。
諗返初生，我最唔鍾意就係不停換片，哈哈，因為一日真係換十幾次，換到腰骨痛。
餵奶粉可能坐月係舒服d, 不過當你bb 如果抵抗力唔足夠， 成日病，你就會後悔個陣無堅持架啦！ 佢病你除左心痛仲要無得訓！ 餵到就餵下啦