認識呢個名字十幾年，原來好難做到，兩公婆繼續返工賺錢養家 
識朋友2公婆也冇返工,小朋友已初中。老婆生完做家庭主婦,老公45歲左右吾做,而家50未夠,勁！財務自由！
不過我覺得男人甘早吾做嘢,日日系屋企,見住都幾悶,
3個讚
除非幾十歲退休食老本，我身邊後生既基本上無人係財務自由，當然自己都想，但做起上黎原來好難，之前加按套在一筆錢除在買金買外幣都唔夠膽做其它投資，驚一個浪可以乜都無
識一個好勁既朋友，讀書好叻之餘，好有自己諗法。佢獨身，有大公司正職，三十幾歲投資發左達，就無再做。
太早財務自由唔一定係好事
識人係咁, 自住一層同放租一層, 其餘時間炒股 (美股) 維生, 叫做唔駛返工, 但睇股都同好多時間做功課
如果要用好多時間睇住個市炒股賺錢，咁樣似wfh 多d 
1個讚
的確係, 仲要因為美股有時差, 其實瞓唔好, 要睇實個市
如果朝早港股，夜晚美股
我寧願正正經經返工
2個讚
我半退休咗就來20年，雖然財務算得上自由，但keep 住有啲細藝，好似心理上舒服D。
我老公仲有返工(其實提早退休也可，不過男人唔返工，我同佢都會覺得佢好廢
)
6個讚
其實仔女番哂學做家庭主婦算唔算退休
1個讚
我親人，老公老婆40頭退休，已退休16年。
其實咁早退休會唔會好悶
唔悶，因他們喜好安靜及一切從簡的生活。
未退休前，已少應酬，宅在家。
2個讚
請問佢地平時有咩做架?
識得有人財務自由左十幾二十年，由個女初中開始已經唔使做，老婆係家庭主婦，老公提早退休，加上本身有啲家底，啲錢多到夠個女出國讀書，老公又供埋自己個細佬出國讀書。但係講真，一啲都唔好，佢地簡直同時代脫節，個老婆又頂老公唔順！太早退休，太早財務自由唔係一件好嘅事，幾有錢都好，一定要搵啲細藝，返下啲閒工都好！
3個讚
以前覺得有幾百萬已經可以吾使做，依家都吾知要有幾多資產先可以叫財務自由
我覺得100%被動收入都算做緊，使遺產/基金個啲就叫自由，天降之財無論發生乜嘢事都養到你byebye嗰種
3個讚
我都係咁諗. 我覺得而家科技發展的超快, 都係返工逼住要學, 先有動力係咁跟貼啲.
一黎我份人冇乜安全感, 就算係有資產, 萬一一個金融風暴, 自己操作不善, 點算. 我真係唔敢唔keep 住賺錢能力.
如果夠儲備, 可以搵份自己中意的工作, 唔需要賺多好錢. 一係可以發展自己興趣/善用自己所長, 一係就幫到人.咁就perfect.
同埋呢, 識朋友, 如果冇份工介紹自己好似好奇怪好異類咁. 即係有份工融入社會好似自在啲
同埋做野可以keep 住腦部活躍, 冇咁易老人痴呆. 或者身體退化.
我見Nancy Pelosi 80歲都仲咁生猛, 我想老左好似佢咁健康又做到野 (唔係話要做政治)
1個讚
我不是。不是我如果財務自由我估我會周圍打工試下體驗下生活。