我bb係肚度已經成日照到佢食，條癮好深
從來唔食奶咀
6個月大濕疹時試過幫佢戒，訓覺用包被，日頭睇住佢，一個月冇比佢食手，一唔睇住佢即刻食返
依家兩歲，咩都識聽識講，又食到手指成日損，
所以想同佢戒，睇資料話2歲後食手只係習慣唔係需要，唔戒遲啲仲難戒
佢係訓前同訓訓下半夢半醒會食手指訓返
依家第4日，佢訓前會喊一輪話冇得食唔開心，但唔食都訓得著既
不過半夜半夢半醒會食返，我成日要幫佢蚊出黎係佢耳邊話唔食得
我比過google手指流血既相佢睇，又講過醫生話再食會發炎要打針落手指切左佢，媽咪唔想你流咁多血。
佢貪靚，我話大個女啦，好似媽咪咁唔食手指先可以查lipstick架，我幫佢查，佢開心既，但半夢半醒都係食。
大家覺得我應該點？
<<心理學來說>>
其實BB食手指係一個安全感
所以你愈唔俾佢食,佢就愈想食
長遠方法係盡量唔好成日提呢一樣嘢,見到佢食就唔好理
但係適當時候就灌輸多啲概念
例如大個女啦,其他小朋友都唔會咁樣,得BB先會咁,你想做BB定做大人呀?
媽媽相信你一定可以得甩,不過可能要啲時間,係唔係呀
又或者見到佢嗰日食少咗,都俾多啲肯定同讚賞佢
當然唔能夠太心急,要慢慢嚟,太急佢覺得你迫佢,愈大壓力就愈想食手指.只有佢放鬆心情先有得戒
兩歲前用依個方法好耐，佢完全唔理
所以想行動升級/_
可能真係要時間
佢頭兩日訓覺半夢半醒都控制住唔食
之後就好似食返咁
食到啲牙歪晒手指損晒
哎心很累z_z
幫大依個戒緊，細果個又開始食
仲有另一個可能性,係咪小朋友有啲壓力源未解決…因為壓力都會令到佢地有啲BB行為例如食手指
如果都唔得可能要睇醫生/心理學家
我覺得佢係習慣多過壓力呀
因為佢係訓覺先食架一直都係
係手指搽wasabi 
或者你同佢商量吓,佢同意肯戒之後,可能真係用啲好實嘅嘢包住隻手瞓,等佢食唔到…
你試過
？
都好
同我個情況一模一樣
又係攰同眼瞓或者氹返自己瞓先食
好彩依家返學帶住口罩冇得佢食
我老公有講笑咁話一係喺屋企都比佢帶口罩幫佢戒
細嗰個我堅決唔比佢食手
不過佢連奶咀都唔吼
我果兩個都係天生只食手唔食奶咀
咁你諗住幾時同點幫佢戒？？
佢有冇食到啲牙唔靚呀？
我覺得多少都有啲 不過唔算嚴重 少少哨
因為佢啱啱開始返學 我驚兩樣炒埋一碟會出事
過多一排先算
我都有恐嚇佢
佢有時都會自律攞返隻手指出嚟
但係太攰都係嗰時都係會食返
蘋果youtube channel條新片就係講戒食手指
搽白花油，細個我阿媽係咁樣幫我介，我食到手指公有個枕
我媽話我細個啜走哂啲藥油辣椒油戒手指水 然後繼續再食
我女細個食奶咀, 又係自細開始食, 好深癮, 我果時就係靠嚇
佢食個奶咀我就比呢張相佢睇: 
跟住話周星馳食奶咀食得多搞成咁~
佢嚇到唔敢食, 同時我就剪爛個奶咀等佢食都無癮, 咁就戒左
成日唔肯戒片我就比尿布疹果D圖佢睇, 又係嚇到佢唔敢再瀨尿, 慢慢就戒左片
咁忘我境界 
我搵下先
大個有冇心理影響
咁你食到幾多歲呀？最後點甩？定仲食緊