我唔記得講，我兩次都係嚴重產後抑鬱，同你完全一樣。我宜家生活正正常常，日日抱住個細既攬攬錫錫，你好快都會經歷到！
逃避係正常 始終而家你係有產後抑鬱
自己好好休息一下
將bb交俾其他人睇 放心～ 你已經做得好好架喇
加油
可唔可以介紹醫生
可否幫忙介紹醫生
樓主， u are not alone
我是過來人
食左藥9個月
而家變返以前嘅自己了
覺得藥物同老公支持都好緊要
我嗰時都好嚴重
因99日日上來，美其名幫我湊小b
但成日指手劃腳，又帶朋友上黎歌頌佢幾偉大
令我覺得自己一無是處
開頭老公唔知嚴重性，叫我忍
我日日瞓喺床完全無動力起身，係可以瞓足成日唔起身
好驚掂bb
加上開刀後大出血，覺得自己身體好差，會睇唔到個bb大，好depress
好在我媽媽黎陪我坐月，睇住個b
但佢都好擔心我
直到有一日
我推開左屋企隻窗
因為好高，我唔敢…
然後我的起心肝
打去唔同嘅hotline求救
我先知原來撒瑪利亞唔止處理自殺，仲會幫手refer去俾社處社工
咁佢即幫我refer
但我已經等唔切（母嬰健康院幫我排緊政府精神科）
自己去搵左私家
第一個醫生係用計分制去分析我再開藥
計分黎講，我係好嚴重（當時係想過自殺）
但佢個方法唔岩我（下下計分）又貴，3xxx/次
之後轉左第個
平一半，但佢係似社工傾心事形式，開解左
同埋最重要係社處家事社工
佢教我唔好諗住解決到99嘅問題，亦唔好再俾佢情緒勒索，亦幸好我老公肯一齊見社工，最後隔絕左唔見99一排
加上請左姐姐湊女
個人先慢慢好起來
我覺得最緊要喺我有力氣搵人傾時有人聽我講
而家小朋友就來2歲
我先漸漸有做左媽媽嘅感覺
加油，有乜都可以問下我
大家同路人，共勉之
16個讚
同埋針對返妳食藥
有樣野係真
唔好心急
第一次食個人起碼暈兩星期，之後係個人會慢左
個腦會郁得慢左
但變左個人會放鬆好多
我有一緊張就胃痛嘅毛病
食藥段時間就無痛過
所以好好胃口
其實傷風食傷風藥
你心理傷風，咪食心理傷風藥
好返可以慢慢減藥，我嗰時不經不覺食左9m開始減到最低20mg
到最後停埋（停藥又係wing 下wing下星期）
會過去的
1個讚
我食左一星期後，真係無再喊，但果種感覺係想喊喊唔出，同埋一有問題我就喊同好無安全感，上星期六覆診精神科，醫生加左藥，50mg加到75mg，以為會愈來愈好。。。但前兩日最後一次產後檢查後，我崩潰左，係咁爆喊。。。喊到今日都係喊緊，因為我覺得我最後一次同呢個醫生見面，佢見證住我成個懷孕過程同幫我開刀，最後一次檢查意味着我要正式同陀b嘅生涯講再見，我好唔想，因為我仲好掛住陀BB嘅生活，我真係好討厭而家嗰個生活模式。。。我真係好後悔生BB，但望住bb咁乖，我又好內疚。。。我真係心好攰
1個讚
打電話去跟醫生講
或都可以搵精神科醫生再傾傾，藥都會人夾人，睇吓醫生有冇其他建議。
加油
其實個working dose係100-150mg以上，去到果個分量仲有等好似3-4星期啲藥先完全發展到。比啲時間自己，呢個病治療率好高！
後悔生bb果啲諗法係源自你個病，唔好怪自己！當你好返你唔會咁諗。
1個讚
想同你講聲加油呀！你講既感覺我都有呀，我都好懷念陀B的日子，因為生完身體好差，好想搵返以前既自己，但見到BB咁乖，我又好內疚有呢啲諗法，因為產後各樣不順利而成日喊。但漸漸生活節奏掌握到（呢樣真係要靠老公同家人幫手湊BB同做家務，我至有時間休息多啲），BB又開始戒到夜奶，我至對湊BB有啲正面既感覺。我想講既係，你而家負面既感覺會慢慢退去架，只要你定時食藥，慢慢試下做少少運動，有咩想人幫手就開聲同老公講，事情係會好起來架！
1個讚
可唔可以介紹醫生
可唔可以介紹醫生
樓主加油呀！
我第二胎都有嚴重抑鬱
主要係因為99問題，同姐姐辭職。
我冇老公支持不特止，佢仲同我講「你同個個都相處唔到，係你個人乞人憎，個個都憎你，我媽冇問題」
當時姐姐自己SL自己一個星期，我都要被迫SL湊大仔， 我老公話我俾面色姐姐趕走佢。
其實佢媽不嬲都冇尊重我，例如：我生完第一胎就話我甩到成屋頭髮，我坐月個陣話我唔識湊喺我手上搶走我個仔，用cam睇完我之後同我老公講我唔識湊仔。
今胎因為某啲導火線同佢炒左鑊，之後趕走埋我同個仔（層樓我老公供、佢名）
甚至我生左之後，因為我唔肯收99個盒名貴滴雞精而黑住面接我出院！
我父母係好傳統，唔識處理情緒問題個啲。好多時唔識安慰我！
好彩有我家姐
佢每星期都帶我去藝術冶療
我仲記得我個個星期都同我家姐講there’s no way out!!
但係係有㗎，日子總會過
等多幾個月，小朋友俾你個種被需要嘅感覺會令你走出黎。
呢段時間照顧好自己，有咩懷疑同醫生傾！
It’s okay not to be okay!!
唔洗驚麻煩到人，要首先照顧好自己先照顧到bb
加油呀
2個讚
Uppp
梁佩瑤醫生
我食到第三個WEEK , DR 仲係比緊10MG 我
根本好少幫助, 我諗緊個DR係咪拖我証， 好辛苦
咁可能係你同我用唔一樣既藥，我記得我果款算係新啲既藥，我係加拿大睇，所以可能唔一樣。
你最近點啊？如果好天出去曬下太陽啦，好有幫助架。
我第一次病係香港，果時唔肯食藥，醫生比左維他命b我，你都可以試下，幫助減壓。
加油啊！呢個病會好架！
1個讚
FLUOXETINE 10MG
一日一粒, 食左兩星期都係心驚驚