BB就快六個月，四個月尾時開始加固食吓米糊、菜蓉同水果蓉等，so far都食得唔錯，想請教吓大家大概係幾多分量嘅固體食物代替一餐奶（佢一餐大概200ml）？
因為佢有時食完約70ml奶開嘅糊仔好似飽，有時又仲食得落奶，所以我都唔知佢係夠定唔夠
謝謝
呢個問題我都迷惘咗好耐…我仔仔5個月開始加固，都係由糊仔開始，慢慢加生果蓉菜蓉，每樣食材試兩日，到6個月轉比粥仔，6個半月開始試加魚同肉，到7個月見佢愈食愈多，重點係一餐入面要有齊五殼類+菜+肉，咁先可以代到一餐…
我開頭都好心急 見佢好似食得唔錯就成日想佢快d可以代到一餐奶…但其實真係唔使急，bb腸胃要慢慢適應，何況1歲前都仲係應該要以奶為主食~
2個讚
係呀，其實我係搞唔清楚到底佢飽唔飽
不過我諗佢應該唔會餓親/飽親自己啩，唔夠應該會出聲，飽就應該會唔食
咁你BB六個月時係食幾多餐粥仔？都係食完再補奶嗎？
其實我都唔知佢飽唔飽架
6個月返健康院打針時 姑娘有話過大概食到一碗大人碗有菜有肉嘅粥 就可以代一餐，但我始終覺得個個b食量都未必一樣 好難用同一把尺架嘛…
我5個月時比糊仔，一日比一餐，用60ml左右人奶開，加一兩湯匙生果or菜蓉，之後再補奶…補奶份量由20至150ml不等…都好難捉摸
6個月時一日比一餐粥，再補奶，到後嚟7個月左右 見佢碗粥真係愈食愈大碗，同埋開始比肉，覺得份量同營養都夠，就試吓唔再補奶，咁見佢夠鐘食下一餐奶時都冇嗌餓，就當佢嗰餐粥夠飽架喇…
係呀，帶bb返健康院，姑娘都係咁教。不過有時食夠一碗，bb都唔夠飽。可能係啲餸唔同，飽肚感都唔一樣。