仔仔8個月，我哋兩公婆心郁郁想去吓staycation, 但就心大心細帶唔帶埋個仔一齊去…唔帶嘅話 公公婆婆可以幫手睇住嘅 (平時我哋返工都係佢哋湊), 但又好似好衰咁 掉低個仔
但帶埋佢又驚唔知危唔危險 始終都仲有疫情 佢又仲咁細…唔知有冇家長有經驗呢？
帶住個咁細嘅同喺屋企照顧差不多，又要拎尿片奶粉。而且仲未可以坐到餐廳啲bb椅。咁大人都係無得休息。
其實想當年我都唔會帶bb出去旅行，連海洋公園嗰啲都未去
3個讚
可以食出面嘢之前，帶BB出去OVERNIGHT係搵自己笨，同埋搵BB笨。我都忍到佢兩歲前先帶佢去日本，享受左一次免費機票乍。
我小朋友九歲先至第一次坐飛機
七歲先第一次出外過夜，係住迪迪尼酒店
1個讚
好多人搭飛機去外地都帶埋幾個月B 去啦（當然我都識人係覺得阿B 搭飛機抵所以咁細個都帶埋去）。係翻香港staycation 其實同普通去街唔會好大分別。我又覺得無乜嘢，當係預習一下遲D 帶B 飛去外地玩囉
見過朋友帶個半歲多少少嘅bb 去staycation
今個7月迪迪尼做緊1399一晚，帶左個仔去玩，齋游水都抵哂。走左第三日…佢就爆第三波喇。
我八月有住，泳池關閉，無晚巿堂食，無自助餐，除了商店度度都無客。完全渡假感覺。而家就唔住喇，而家酒店餐廳隨時無位，可能要屈喺房食外賣
我未疫情之前有帶過bb 去，酒店有野玩，而家如果有人湊，唔好帶去喇，酒店啲設施全部唔開，真係淨係係房食外賣，反而二個大人去你仲可以食下buffet
我黎梗都會去staycation
但就唔帶呀b喇 想兩公婆好好休息一下 拍下拖
1個讚
X2, 我就第二朝先湊佢去酒店游吓水 
8個月stay at home算啦
2個讚
多謝大家意見
咁睇嚟都係兩公婆二人世界好d~ 要難為一晚公公婆婆喇
1個讚
一晚半晚 對於公公婆婆黎講可能係好既體驗呢
我個仔晚晚醒3,4次架 每次要抱吓先瞓返 所以應該唔會係太好嘅體驗
1個讚
唔好既體驗都係難忘嘅體驗啊
1個讚
難得去酒店浪漫喎
未有疫情之前 細佬得六個月大，陪家姐生日喺香港去過一次staycation ， 其實都係放佢喺張床度玩跟住一齊切蛋糕 係家姐好開心可以離家出走一日
Staycation就唔好帶B去啦，簡直係玩自己，帶埋B去只會全程湊B，咩都享受唔到，留喺屋企好過。
唔會帶，大人細路都辛苦