最近開始看看直私學校的資料，頭痛有這麼多間學校可以如何選擇。我又不想報太多間，怕小朋友有太多面試會感覺大壓力。請問各位前輩jm, 你地覺得考直私面試過程，對小朋友壓力如何？如果有一些經驗小朋友面試完覺得很好玩的 (據講有間跳彈床) 可以留言分享嗎？ 感謝！
我兒是上年面試的，現在睇返轉頭，小朋友有壓力都是一件好事。
我兒的 case 是一開始幾間都 in 得唔好，跟住到第三、四間開始佢自己都問點解仲未有學校收我？
跟住同佢一齊傾下點樣做好 d，一齊喺屋企玩下扮 interview ，這算是佢人生第一次面對壓力，成個過程我覺得佢好似突然由 bb 長大做小童，開始對自己有要求，知道點樣做好 d 。
最後佢越戰越勇，前後 in 了 10 間有 5 間 offer，超額完成。
過來人意見，你最好報多幾間，有 d 會撞時間，或者病咗 in 唔到。
祝好運
6個讚
的確係，有啲小朋友幼稚園嘻嘻哈哈冇諗過「將來」，學校鍾意做咩角色老師都會畀佢試，所以面試都當玩。突然一下子要同咁多小朋友爭，仲要有啲靚嘅學校爭唔到，佢會開始「生性」諗下點樣可以間間學校都鍾意佢。
識身邊咁多個玩升小，真係頭幾間唔中，但後面越中，最後叩官津更加係理想。
1個讚
非常謝謝你們提供多一個角度給我。
所以似乎你們的經驗是，k3 左右大致上都可以處理面試的壓力，甚至可以成為一個很好的學習經驗。
比多點信心你的小朋友，他能應付的
1個讚
今年好多係拍video first in，係麻煩但壓力又細d
1個讚
家長自己都要有心理準備，可能會面對好多次失敗，自己都要學識調整心態，呢點非常重要。
只要家長事後唔好因為小朋友表現唔好，而表現出負面情緒，其實面試對小朋友壓力唔大，佢哋應該應付到架。
事前準備我諗你已做咗，咁我唔多講。
至於對待面試，好多人會同個小朋友講係去玩，等佢哋冇壓力，但難保到時真係當玩。到玩衰咗比阿媽鬧就好無辜
我會同阿女講面試係比機會學校認識你，睇下適唔適合入讀，亦都係比機會小朋友去睇吓鐘唔鐘意間學校，所以要認真看待件事，可以唔識答問題，但一定要有禮貌同尊重對方。因為認真看待，阿女試過面試完主動問面試老師問題，最後有offer唔知關唔關事，但以我interviewer 嘅經驗，呢d位會加分
4個讚
很好的提醒，謝謝你 
我想問叩門 叩咁多間，最少15分都有機？
叩門同分數冇關？？
多數係講需唔需要 111 （which is 90% 學校都唔需要）。識嗰幾個叩到幾間嘅一線 offer，全部都唔係 111 入。所以直私唔理想，叩門都可以好理想，要 keep on fighting。
哦，即係指大抽奬／直私唔理想去叩門？
我以為係自行個PART。。。哈哈~
15 分呢個年代對於一線學校幾乎係 nothing，只係做到「誠意」，得某一兩間仲可以 15 分。呢個世界都係實力最實際，所以落空都唔係問題，努力裝備，叩門都可以有好 offer，紛紛鐘叩到間好多人流曬口水。
有同學派位派得唔好，去左兩間心儀學校叩門，本來其中一間要111先有面試機會，但同學攞住一間靚私校offer, 果間津校就比佢面試。
自行係第一階段，自行派唔到位先會跌落去大抽獎。
直私係另一條路，可一邊考直私一邊報津校，冇抵觸。
但要留意直資收咗既話就冇得大抽獎。
如果直私同大抽獎都唔啱心水，就要響大抽獎後自己去叩門，呢個就係最後階段。
津校響成個遊戲過程中，只有叩門呢part可以自己揀學生，可想而知一線小學要求一定勁高，有乜混身解數呢個時候就要出晒黎喇 
我有個初步想法，如果呀囝直私唔收，而又感覺佢唔fit 傳統學術，我可能未必target 1線津，希望佢多些時間發展其他長處/興趣。
其實我d 諗法算唔算好另類