之前傾好咗話下年3月完約黎我屋企度做，之後有WhatsApp 佢都唔覆，心知有古怪，今日就話佢要返印尼湊仔。
我已經講過話唔做就同我講，點知又係要我問先話唔做。
講咁多借口做乜，唔做早出聲啦，俾假希望人。
好彩既係我冇同佢簽約住，否則真係大損失。
而家真係覺得外傭係冇個可信，但一諗到小朋友無人湊，唔用又唔得，真係好慘
再請啦，唔洗傷心，啲工人係咁，冇乜信用，見得多你就慣。
算啦！冇辦法！
好彩未簽約！
不過依家請工人都麻煩
我問過agent 依家請大約3個半月。如果你3月先要，應該依家請都趕得到
最嬲係要我浪費時間同心機，仲有就係講明你唔做咪講聲囉，又要唔覆，問到最後先話唔做。如果我一直咁等，我咪趕唔切請人。
係人都知呢個姐姐揾到第二份工啦，點會話返去湊仔，當人儍。
而家請本地就可能請到，請海外就差小小。不過本地好揀工，好難揾人做，出到高d人工都唔肯做
我一直都唔敢請工人，費事煩。
1個讚
佢哋係咁。下年三月唔駛咁早請。因為只會當你超級大後備。佢哋到最後一刻都仲搵緊。所以應該要佢完約早一個月先好請。
但如果請5到本地，海外果D應該要3個月，所以都要早D揾定先得
海外搵定都冇用，我試過簽哂嘢俾哂錢，等到Last min先話唔黎，你係吹佢唔脹的。
咁真係好麻煩，你咪有段時間冇工人?
如果雙職家庭真係5知边個湊小朋友
係㗎，好彩當年已經小學，唯有去補習社坐到我收工去接，假期俾錢親戚湊，成個人球咁，諗起就慘。
係唔係佢做得唔開心…所以唔好意思開口?
阿Q啲諗。好彩佢走得快。到埋門話唔做咪仲煩。我從來都唔係太信啲工人。睇啲fb group就知佢地講大話當食生菜。
不過你唔去agent到搵?
呢個姐姐係現任姐姐介紹，諗住都係搏一搏
而家唯有揾agent幫手。
不過就算係agent度揾，都係有機會姐姐話唔做就唔做。唯一好處係佢會幫我揾到另一個
請工人係撞手神架，搵個可靠agent易過直接搵到個可靠姐姐，起碼有乜事有人跟進，可以換過個。
而家唯有揾agent啦，起碼都可以換到另一個