住響14校網 大家會覺得邊間好呢？
岩岩上年華仁小學搬左黎，會唔會都好多人爭呢
14好多間都好, 如果學術就係華仁, CANOSSA, 滬江呢三間比較強
但好多如太古, 丹循, 衛理都好好的
有私小 backup 一定搏，冇私小驚中佛教同陳氏創意學校，乙一北官/北循一定得，炮米乙一 8、9 成中。
我岩岩睇番先知嘉諾撒係男女校
我本身以為女校
滬江我都上網睇過，好多人都話好，但其實我未聽過
要好好research下
唔知你地覺得如果有20分，北衛入唔入到呢
20分應該未必係必入，以前係有好多衛理堂既學生報，不過我細女都已經小五，所以都好耐冇留意揀小學嘅資料
20分都唔係必入…
咁真係要講運氣 或者要去信埋教
但唔係好想因為咁樣去信教
你哋係校友所以有20分？
25分就必入，但如果唔係真係信教，果5分都唔係咁易，你都要付出好多先攞到
傳統名校，25 分都未必穩入吖！即係啲舊生想阿女/阿仔入返，一定要信教同考私立 backup。年年都有某幾間 25 分都失敗。
有宗教都叫做可以為仔女盡做，啲冇宗教/官立學校，例如軒小、馬官，啲舊生 20 分多到年年都入唔曬，想信主都冇得信。
係呀…
咁我想問問 假設一個20分既係校友 一個20分既係信教
間學校會唔會選擇左校友先？定係其實唔關事架
我都有聽聞… 但我諗北衛又未名氣大到好似傳統果啲咁樣
做人父母真係難
無分架，同分係一樣咁抽韱，唔係學校揀人
所以所有野都係講運氣
咁死喇個個都去信教 咁其實個個都係廿分架喎
始終又有好多家姐阿哥係到讀又要收晒呢班先，其實都唔係好多位剩。
不過20分都唔係一定唔得，到時再諗清楚點部署。
我大女果時得15分，真係等大抽奬咋
所以其實都係等大抽獎或者再要叩門
都可以咁講，我地當年都係叩門入
家姐哥哥嗰啲小朋友唔會用自行學額喔？
唔係講笑，連叩門，唔少學校都有睇你宗教對唔對得上，對得上就加啲分。識人係天主教，叩基督教唔係間間得，天主教反而都入到 second in。
我講緊係計分嗰種自行學額，反正自行必收生完全不受限制，幾多都入到。
係咪要叩門都要之前所有選項都係擺果間做first choice先有啲機會