灰到一個點。。。
前日流左dd啡所以入左院，無事，尋日出院。
點知尋晚開始發現一邊胸痛，係乳腺炎果隻痛。
今朝起身痛多左dd，過幾中覺得腫左少少，體溫偏高但係又無發燒。
諗住去附近d婦科照超聲波，但係紅日又無開。
跟住去北區醫院急症，點知剩係開左抗生素比我。
我問可唔可以幫我照個超聲波，佢話超聲波要留院先得，
但我就黎足月所以唔可以留北區醫院，因為佢地無產科，驚我住住下院無啦啦會生。
我以家諗緊應該聽日去廣華急症（我係廣華生）定係等星期六睇私家婦科。
因為我唔知我呢d無發燒既case廣華會唔會要我留院幫我照定係refer我去私家照定點。
請問有無人知。。。？ 
我建議你依家去睇急症啦應該冇咁多人, 明天放假好多人去睇急症, 反正你依家囉囉攣都唔會瞓得著, 今晚條街好多人呀唔使擔心
唔得呀，我而家唔近廣華呀。仲有前晚係醫院瞓產房，同無瞓過一樣，我而家對眼已經唔係好頂得順，聽朝先去。。。
咁你快啲瞓啦保重
正常去廣華生就直接去產前房，唔需要去急症等，不過明天都星期六，去私家婦科檢查都得。希望你快D好番。
謝謝你！
唉，我以為胸痛唔關產科事。點知最後佢地都係送左我上產房駁機 
仲等我係A&E等左4粒鐘。。。。
我想快D睇係因為驚入面有膿，尋日已經check左，好彩無，醫生話如果有就要界開放膿或者用針抽出黎。而家只可以食抗生素，但我覺得無咩用。。。只可以等BB快D出黎即刻開始泵奶。 
其實28 週之後如果身體有咩身體不適多數都係上產前房做檢查，因為擔心影響BB。你而家幾多週呀？問下護士可唔可以自己按下乳房咁？退咗燒未？或者考慮睇中醫？
港安有專門醫乳房問題醫生, 終極搞唔掂時可以去睇
聽日36週喇～ 醫生叫我唔好攪佢刺激佢，但係我有好似餵奶果時咁用彈琴手試下彈鬆佢。再加埋一痛就即敷冰袋同埋食Lecithin等d奶唔好咁傑。
touchwood我無發燒，醫生話如果發燒既話入面就可能會變膿 
連醫生都話個case好rare，我上網都搵唔到資料點做好，唯有自己咩都試下。
總之唔好變膿要界開放就得。。。
廣華前日已經幫我urgent consult左外科醫生，同埋佢地都有breast clinic呀，已經refer左我過去喇，謝謝你。 
樓主，你生左未呀？餵奶情況點呀？有冇乳線炎或好難餵？
你乳腺炎果度好返未阿?
已經生左。仲未好返。我全泵餵，富媽媽 
，但係有舊野果邊會少幾十ml。做埋物理治療見埋母乳姑娘舊野都仲係度。佢地refer左我去breast clinic。咁岩今日抽左針睇下係咩黎。
多多保重阿!
現在情況點呀？舊野係咩黎？
抽左針，醫生話淨係炎症，又比多次抗生素我食，岩岩食完，都無好過舊野重係度，要等下次覆診，都唔知點 