坐月不可以掂生水, 但凍左既熟水可以掂嗎？
熟水要一早煲定, 到用的時候都攤凍了。
如果無暖熟水洗手, 用凍熟水好d定熱水爐的暖水好d?
我陪月就同我講話凍熟水
但其實我知有朋友係熱水爐開暖水都照洗
如果冬天, 我覺得熟凍水仲衰過暖水爐的暖水
1個讚
洗手的話，我果時係呀媽煲薑水放保溫壺備用
沖涼就用熱水爐既熱水
其實一個保溫瓶最多夠洗2次手, 如果用番梘, 一次會洗晒一瓶… 每次抱bb前和換片後都要番梘洗手, 都唔知點整咁多暖水…
戴手套？
其實我唔信要用熟水, 最慘係我老公和陪月都信, 一諗起到時唔知點洗手沖涼就唔開心
戴手套換完屎片唔洗手我都接受唔到
我完全接受唔到
仲要之後餵奶喎！
所以我已經同佢哋講晒，我餵奶之前、換片之後，一定係水喉水加番梘洗手
熱水爐暖水都可以，最好用暖水洗手，係唔係熟水都係其次，我覺得D人話入風其實係因為凍水對身體D關節唔好，我坐月時試過洗碗用凍水洗，之後個日D手指關節就痛。沖涼就煲薑水加熱水爐暖水沖身都冇問題。
我都係咁諗。我覺得熱水爐暖水點都好過凍熟水。不過唔知點應付老公和陪月。將來身體一差就會俾人拎黎講, 講一世, 一諗起就煩
1個讚
唔需要特別同佢哋講，你自己記住開熱水爐先洗手就可以，佢哋唔會專登去廁所望住你掛，如果可以就叫佢哋換片洗嘢，你專心餵奶湊B就得。