每晚氹2個女訓覺，個細既5個月反而易搞d，食完奶，放bb床，大多數會自己訓，反而個大既4歲夜晚精力充沛，又彈又跳訓唔定，諗住扮訓覺唔理佢，佢又係度搞搞震，又打又拍，係要搞醒你，佢咁嘈，有時又會整醒埋個細，跟住自己就開始炆，忍唔住同佢開火，沒完沒了咁。當佢地2個都訓左就好內疚，明明成日都提自己要忍，唔只訓覺，好多時都俾個女激到情緒失控，大聲罵佢，自己其實好想做一個溫柔既媽媽，有咩辦法可以係仔女激氣時保持冷靜呢？
同路人！我個個都係咁，晚晚入房熄曬燈都照傾偈，又起身碌黎碌去得閒又唱歌，閑閑哋個零鐘都未瞓着！放工已經攰到嘔仲要氹極都唔肯瞓!!
直到返小學要早起身，終於識攰肯早啲入房瞓覺。以上情況持續左幾年，辦法我都冇只能夠同你講一聲加油⋯
好明白你，我都有個4歲同你一樣
每一晚都勞氣到好似打仗咁樣，仲要唔理佢、佢係度自己玩手指
我細個時媽媽同我玩鬥係床唔出聲遊戲，睇下邊個頂到半個鍾，我媽話我次次都輸，你可以試下
咩作息時間？？
中午唔好比佢訓教
我都經歷過晚晚氹小朋友訓覺要發皮4，之後自我檢討下，其實小朋友精力旺盛瞓唔著佢自己都冇辦法，如果自己失眠仲要俾人鬧應該都好唔開心，所以要諗下小朋友嘅作息時間，可能要cut或者減少午睡時間，個人攰D就自然容易入睡。要鬧佢先肯瞓真係唔好，小朋友瞓覺前只可以睇書傾計，唔可以跳或者玩得太興奮，慢慢同佢傾下喇。
我個5歲女又係咁！已經冇訓晏覺架啦！晚晚11點開始哄佢訓，哄到12點都仲未訓到，又話飲水，又話要vivi， vivi完又要飲水，次次都要我鬧先肯乖乖訓低訓覺
佢訓著又輪到我內疚，次次都叫自己聽晚唔好再鬧佢啦！但次晚晚都要重複同樣嘅嘢
同路人到
唔係大嘈醒細，就細嘈醒大，唔可以搵晚一齊早D訓，晚晚最少11點先訓（4歲以下）
呢排我臨訓要佢地認字，中文又好，英文又好，總之係好悶唔識既，哈哈哈，早左半個鐘暈低
1個讚
同路人到
大的4歲，細細個已經唔鍾意瞓覺，晚晚喊打喊殺先肯死死氣去瞓
朝早又係，自己醒左就要全世界陪佢
個妹成日俾佢嘈到無覺好瞓