上個月尾係仁安做左一次ivf，醫生話胚胎滿分，子宮內膜夠厚，但最後都係唔成功。好傷心。醫生話可能係粒胚胎入左出唔識再長大，又或者係壓力，又或者係差少少運氣。
本來諗住今個月再試，但day14見醫生照超聲波，都話差啲，早兩日近排卵期仲有啡帶。好掙扎今個月個做唔做，做黎緊兩侽口月公司peak season，就算有左都擔心唔夠足夠休息俾BB. 唔做就差唔多要等到1月。
PS 有多囊，30歲，先生精子唔好
以前我以為懷孕有錢就得，諗住做ivf做到成功，點知我當年24歲，抽咗12粒卵整左8個胚胎day5全部都唔靚，就醒覺⋯⋯打咁多針都好傷身，心情亦會好差，懷孕呢啲真係講緣份，同心情。
抱你～
我都好覺得有同埋生BB係一件非常唔容易既事。
我而加雖然有咗寶寶，但會諗如果可以，我會想自己個身體休養得好D先進行呢件事，因為我自己身體唔好，無形之間比咗好大壓力自己，頭3個月已經WFH，都覺得好辛苦，無論係身定心。
所以sis如果你之後果幾個月都未必係一個最佳狀態去試有，不如等多陣重建返D信心同勇氣再嘗試過！話唔定整理好咗心情，會更加容易成功呢！
一齊加油～
1個讚
多謝你嘅鼓勵！ 我老公都係咁講，話唔係未有，只係未開始。我會努力㗎啦，你同bb 都健健康康。
有冇睇中醫？食中藥調理下，有幫助架
有時心情影響都好重要，可能工作忙反而個人無亂諗嘢又會容易D成功著床呢。BB真係講緣份，我都等咗一年先自然中，到想追多個時發現自己有朱古力瘤，做完手術又翻發，註定生唔到第二個B。有時間做下運動，放鬆下心情，祝早孕。
都有食中藥，諗緊要唔要食肌醇
香港人真係好慘，番工壓力已經大，但唔番工做幾次ivf 都真係唔少錢
希望你都健健康康
我先生成日提我，話普遍Ivf要做2個周期先會有一個 take home baby, 即係唔好氣餒，BB會等你架
佢好乖呀 有做research
鬧左一次交之後，佢就由一個跟班變咗個好隊友
有胚胎就仲有機會, 唔好灰心, 養好身體再嚟過
咁你結果有冇生到?
IVF fail，第二次m後自然懷孕，生左。
所以真係天注定⋯⋯
5個讚
我都有食肌醇, 維E, 維D3, 魚油, 白黎盧醇,葉酸+中藥, 一日兩隻蛋(食埋蛋黃), 先生食男士supplment(我先生精子正常)+一日一隻蛋。係我卵巢指數好差, 上述我都係iherb買, 方便合理價錢。之前做功課, 男士精子唔好, 可以去萬寧藥劑師買"富精多", 好多sis都話下次checking指數靚左(但價錢偏貴), 希望幫到你 
可唔可以八卦下, 點解24歲會做IVF gei? 我以為咁後生點都會試自然受孕, 到三十幾歲先會做IVF
我多囊，自然6個月失敗
打針食藥6個cycle 失敗IUI失敗IVF失敗⋯⋯
我哋咁早結婚都係想趁後生有BB，而且想生兩胎，每遲一年嘅精卵質素都會唔同，唔想浪費時間
嘩，好辛苦
1個讚
Update 番大家, 我休息左2個cycle, 12月中再試, 啱啱test 到中左啦! 大家都一齊加油.
28個讚
恭喜哂. 見到都鄧你開心. 加油呀