要唔要解凍？要唔要出水？
要解凍
會出水呀，咁樣煮時先唔會出水搞到一pat咁，好快咁放落熱水1分鐘收縮左就得
放薑蔥拖一拖水
若果只係蒸熟佢，就咁食，係咪隔水蒸，咁仲要唔要出水？
我冇試過蒸呀，多數上粉薑蔥加酒煮，怕就咁蒸會腥d，不過如果你就咁蒸唔出水，我估蠔收縮過程都係會標水，再加上蒸氣，我怕蒸完碟蠔會水汪汪
我老公話唔怕腥，叫我就咁蒸，如果放蒸架上面蒸，咁咪唔會成碟水
用蒸架d水流哂落去應該就冇呢個問題嘅
解凍之後洗乾淨，用鹽水浸一浸，再印乾水，之後可以直接煮。
平時我係煎炸多，就咁蒸就未試過。
煎：蠔印乾水後，加生粉撈勻，煎pan落有鹽牛油，等牛油溶開晒就落蠔煎至兩面金黃色，之後落少許豉油調味，上碟
2個讚
唔該晒
好呀，可以試下，唔該晒
我就咁扔嚟去煮面
我都只識咁， 包唔腥
我估我接受到果個程度
我淨係識用來打邊爐嘅急凍廣島蠔。賣嘢個阿姐話唔使解凍、唔使出水，先唔會縮，成隻掉去火鍋才保持脹卜卜。我咁多年都係咁用來煮麵、打邊爐
1個讚
根據大家講法，如果我用1盒細雞湯，就咁掉幾隻蠔落去煮，就得唔得呢？d 湯會唔會腥？
最後試左用1盒細雞湯，先將5隻蠔放水解凍，煲滾雞湯，放蠔煲4分鐘，今次蠔keep到脹卜卜，唔腥，好味，只係個湯咸d
4個讚
雞湯要溝水，可以放d薑葱和酒去腥味
1個讚
炒同炸都好食