大家有冇試過拯救小動物？分享下大家嘅經歷呀
我係貓奴
養過十幾隻貓咪，有啲已經去左彩虹
橋。當中有啲係領養，有啲係向街度救返黎。救貓都有原因，唔會無端端捉啲貓返屋企。
有一隻浪浪貓向我住果區流浪，樓下舖頭有養貓，見貓貓得幾個月大，就會餵埋佢食嘢。但係貓貓好驚人，就算舖頭老細日日餵佢，都唔比老細摸。
有一日我行過舖頭，又見到貓貓黎舖頭搵食，但係就跛下跛下咁行，於是問老細貓貓做咩事。老細話佢應該係比車撞到，斷咗腳。老細話佢想帶貓貓去睇醫生，但係貓貓好驚人，捉佢唔到。於是我就話試吓攞貓籠同零食黎，睇吓捉唔捉到，捉唔到都冇辦法啦。
於是我就帶左籠仔同零食落去，我放左啲零食向籠仔門口，又放左少少向籠入面，跟住我就企後一步。唔知貓貓係咪太餓，我一行後佢已經衝埋籠仔食嘢，我見佢冇為意我，就行埋去推佢pat pat一下，佢就入咗籠啦。
老細話叫我帶佢去睇醫生，佢會比返錢我。咁我就即刻帶去附近寵物診所。我同醫生講左貓咪嘅情況，醫生幫貓咪照左片，係斷骨，要做手術。但係做完手術之後，要瞓籠仔1個月唔可以比佢郁，所以唔可以放返佢出街。醫生問我可唔可以照顧佢，如果唔得就唔好做手術。我即刻同老公相量有件咁嘅事，因為比得佢返屋企休養，就唔會放返佢出去流浪，老公都話養埋佢，咁我就決定幫貓貓做手術。醫生話知道係流浪貓，都有計平啲比我，手術費6千幾蚊。
手術後，貓貓就返左我屋企，情況好好，肯正常食嘢，我淨雞雞摸佢都冇好驚。我屋企貓咪都好快接受佢，成日向籠仔出面陪佢玩。手術後一個月再去檢查，啲骨已經生埋左，可以正常行路。而家入左室已經幾年，日日向度跑黎跑去，食得玩得瞓得
9個讚
今日沙田火警現場
消防幫隻狗仔做心外壓持續足足半粒鐘 
2個讚
領養左隻浪浪算唔算？
2個讚
樓主好人一生平安
2個讚
不過隻狗最後都係無辦法
救過4隻雀bb (麻雀，班9,白鴿) 得一隻白鴿成功養大，e家仲係屋企養緊
次次都係打風落雨後執到
1個讚
十年前同EX行過旺角新君豪，聽到有貓仔叫。抬頭見到佢響招牌頂唔上唔落，睇落好BB，又唔見有媽媽響附近。我打去愛協搵人救左佢落黎，然後一個星期後收養左佢，由手掌咁大養到長過手臂。依家響EX度好食好住。
2個讚
可能係曳走出去玩，唔識返屋企，好彩遇到你帶佢返屋企
緣份黎嘅，不過如果CALL愛協但唔諗住領養，不如唔好CALL，隻動物實死梗，仲衰過流浪。
1個讚
咁有緣