bb 三個月大，滿月時因為黃，要返醫院抽血
醫生話佢肝酵素高，呢兩個月都keep 住覆診同抽血
今日再返去覆診，話佢肝酵素再高左，要同佢安排照超聲波，再抽血同驗小便
有冇人試過類似情況可以分享下，好擔心
我BB依家就兩個月大全人奶都係未退晒黃，喺公立醫院聽到我1999我開左醫健通問左私家兒科醫生意見。
話說我B滿月黃仲有130健康院叫我去醫院抽血，意思係要排除病理性黃疸既可能，點知抽完血第二日姑娘打電話俾我，要求下星期再抽多次血，我問佢咩原因，佢話因為黃疸指數仲有少少高。
抽完第二次血既第二日，又收到電話，話BB仲係黃疸指數高，約我下星期去見醫生，同埋拎維他命D，但以我所知維他命D同黃疸無關係，聽到我一頭霧水，所以我喺未去見公立醫院前，去左私家兒科醫生問意見。
私家兒科醫生果日幫我用機check黃得返59，所以佢叫我開通醫健通，幫我睇下公立醫院個血報告再覆我到底咩原因公立醫院叫我再抽多次血。
開左醫健通睇完血報告，醫科醫生覆我：check黃疸除左睇總黃疸指數仲有一個叫做折合式黃疸指數（我唔肯定exactly 係咪咁樣寫個名），我BB總黃疸指數係退得ok, 但折合式黃疸指數由第一次抽血29到一星期後抽血仲有24，退得慢（要7以下先合格），所以醫院叫我再抽血驗，幫我搵出原因佢覺得係合理。我問佢有咩原因會退得慢？佢話有好多原因，例如膽管閉塞，肝炎，遺傳問題等等， 好難一概而論。
首先唔好咁擔心先，醫院冇好urgent搵你入院，相信BB既指數唔會係去到好高，下次覆診時不如再問清楚醫生原因，唔好自己嚇自己先。祝願BB健康一切順利！
（我今日都抽左第三次血，希望呢兩日唔好再收到電話
）
1個讚
我仔bb時試過。
我仔bb時唔太黃，唔洗照燈。但出院冇幾耐就被發現後肝孝素高（唔記得點發現）。從此，佢每個月都要去醫院抽血验尿，每次結果仍是是偏高。最后做埋超聲波，沒有發現異常。這樣的情況維持了半年，肝孝素終於退下来就不用再回醫院檢查了。
期間，我有睇私家醫生一次，私家醫生話我仔指數高但不是好高，冇乜嘢可以做，有時bb發育未完整會有這個情況。
1個讚
請問當時指數係幾多，我仔四百幾，好擔心。。