我的現有姐姐下年3月完約，要返印尼，不過佢介紹佢朋友過黎做，又係大約3月完約。佢現在係香港做緊，打算唔同而家僱主續約。
現在煩的地方係好唔好同佢簽咗約先?但佢下年3月先黎做，而家簽又太早，有改變主義唔做風險，同埋agent話咁早簽都要等11至12月先搞得文件。如果再遲d簽，又會覺得冇咗個姐姐。
而家都唔知點好
呢個姐姐你好滿意？有冇打比現僱主了解唔續約原因？佢完約要返印尼放假嗎？幾時簽都可以改變主意嘅,以上問題解決咗先再算
所以依家簽黎其實完全無意思
簽咗佢都可以話唔做你屋企，咁簽黎做乜？
BTW
3月係完之前張約，其實1月幾先可以做到轉僱主visa
agent話11-12月簽，其實簽完都係一月幾先可以去入境處遞form
原來係咁，咁我要再考慮下先
Thank you
我兩任工人姐姐都係本地完約唔經agent自己請，所以好了解個程序
我請開菲，昨晚裸炒咗個
依家打算請第三任
其實而家真係好難請人，請海外又好貴，請本地又揀工，又易斷約，所以我都預咗要一大筆錢請人，又或者轉請本地ee先
做乜咁衝動
唔衝動呀
本身佢自己resign，會做到10月頭，機票都幫佢出咗（大家好來好去我無所謂）
尋日我舊工人（之前都係比我裸炒
）話我知呢個工人借咗錢，我怕佢臨走手腳唔乾淨，即晚攤牌簽嘢出埋d錢佢，今早佢pack好野一早走咗
依家我安樂曬
真心：借財仔事少，如果拎咗我屋企d嘢我會傷心死
我無請過外海呀，train佢哋應該會嘔血
本地係會揀工，但請完約嗰d一般都問題不大
係呢個疫情突然搞到請工人要「爭」
但我寧願慢慢請，最緊要適合
我之前個工人借咗財仔人間蒸發走咗佬,我收到信先知,打比財仔通知+警告佢地咪攪我,財仔話佢哋响菲國有足夠人手揾返佢出嚟要佢還錢,相信佢下世下下世都還唔哂條數
我有將呢個故事話畀現任工人知,等佢唔好以為借錢無手尾
佢哋自己知㗎，但都係要借，我估10個有9個都借，好彩嘅就係d工人會自己還錢繼續打工，唔好彩就唔想還跟住斷僱主約
最怕係臨走前拎僱主嘢，好難防
我間房有個細細哋嘅safe,常用嘅貴重嘢銀包介子手錶嗰啲都會放入去,另外一個有鎖嘅大櫃就將啲手袋放入去
好彩家品我又唔係咩靚嘢,佢偷嚟都冇用
我用既野仲cheap過d姐姐，所以應該唔會有拎我既野出現
話你知
我屋企無鎖無保險箱㗎
係咪太不設防反而令d工人覺得有伏
銀包入面d cash都係錢
$20 $20咁拎，或者拎散紙，可能唔容易察覺