唔洗勸喇、想知有冇過來人搞過離婚？最快可點搞到？最平係點？
個案人物：已忍到頂點的太太，一個4歲小朋友。
已經傾好，小朋友跟媽媽。
個老公繼續攬住佢老豆老母。
https://www.matrimonial.com.hk/申請離婚需時
申請到判決離婚大約需時?
申請離婚到判決離婚，如雙方同意，由申請到判決離婚，大約需時六至九個月。
如找不到對方(答辯人)，則要在離婚程序中另作申請，以報紙廣告形式通知對方，律師費會因此多了，取得法庭離婚令需時也較長。
離婚需時多久，視乎申請雙方如何處理與離婚有關的法律事項，例如在各項離婚的理由，以分居超過一年，而雙方同意離婚作為離婚理由，因沒有互相指責對方行為或婚姻中的過失，是可以令離婚手續進行更快的。
至於整個法律程序，包括子女撫養權、贍養費和財產分配問題，則現乎雙方和諧抑或有爭論，沒子女、結婚時間短、財政和入息水平接近，又沒有大額資產，完成速度肯定十分快。若雙方發生爭議，最後更要由離婚法院開庭審訊，除了令時間拖得久外，律師費亦肯定極之昂貴。因此爭議愈多，時間愈長，案伴了結之日愈耐。
1個讚
1個讚
多謝你
世界上真係有咁令人失望的男人，不能再盲目，分手要狠，重新做人
6個讚
Jm抱抱，雖然你話唔好勸你，但可能情況未去到咁壞架，有唔開心就上黎搵人呻下啦
無野爭, 雙方同意可以好快
亦可以好慳, 雙方都唔駛請律師
FCJA - JOINT APPLICATION 申請 (FORM 2C, 條LINK比埋你)/ 去灣仔家事法庭問 https://www.judiciary.hk/zh/court_services_facilities/fcf.html
如果想比律師做亦可以, 有平有貴
多咀提一提, 小朋友跟媽媽都仲有其他後續要處理
你可以睇睇果個子女安排陳述書, 法庭會處理埋小朋友日後生活安排
要同爸爸傾埋子女生活費同寫上, 你自己贍養費要唔要就自己考慮
子女生活費比到18歲/完成全日制學業, 贍養費比到你再嫁/同人同居(DOMESTIC PARTNER)
自己攪好易好平, 不過就要來回家事法庭交文件同書信來往甘啦. 如果你都傾掂就可以自己攪.
我果陣好似都要攪1年.
關鍵人物唔醒係最大問題。
好人、多謝分享經驗
多謝你多謝你，好有用、存記住
感激感激，好實際、乜都靠自己先最啱，向新生活努力
JM 加油, 記住爭取返自己應得嘅!
自己贍養費果度我唔知你打算點, 不過就算唔要都最少寫"一元象徵式"
1個讚
收到收到
個一蚊係有意思。代表可以將來要求更改贍養費
夠直接爽快
唔好畀個小朋友佢攬，叫佢攬佢老豆老母得喇
大概都係1年左右
如果冇嘢要爭，自己搞都得。有嘢爭要上庭就耐d
- 分居夠兩年-> 可單方面提出，唔洗一齊去交表
- 雙方一起提出，就要一齊去交表，委託律師就避開呢個情況，睇你有幾唔想見對方。
利伸：全程自己搞單方面離婚