有次見到我朋友2個仔,2兄弟大約4-6歲,話要同姐姐玩,一拳拳打落姐姐度,姐姐話好痛,我叫佢2個唔好咁玩,我朋友無理到,姐姐投訴話"佢地成日都係咁"…
之後有1日我朋友係度呻,話佢個姐姐唔會同佢2個仔玩,只會做家務,但最好笑係,以我所知我朋友係主張2兄弟自己玩,佢都從來無同D仔玩過玩具,亦無理佢地玩得幾癲 
咁樣小朋友返學好易出事
小朋友返學無打人,專打姐姐
真有趣
之後又會同你呻，姐姐只會同兩個仔玩，唔做家務。
咁樣小心姐姐懷恨在心加料係食物度呀呀…
我係姐姐都唔想同佢地玩，男仔細都好大力，返工唔包俾人打
點解佢唔驚加料呢樣野
Mam 同 sir 對工人係點？
阿 Mum 同 Sir 都唔理個工人嘅投訴？
有時候我登啲工人慘，有冤無路訴，訴完仲畀老細鬧。
@SorryBee @ocelotofun MUM就會買野食同俾零用錢工人,但佢都要工人做好多清潔,佢要屋企好乾淨,日日開桶綠水溝水,要工人周圍抹~
SIR就同工人嘈過,原因係覺得工人唔理小朋友…
唔明僱主點諗,自己都係做唔曬D功夫先請工人分擔下,點解會解讀成工人係萬能。你返工都會嘈老闆比曬野你自己一個人做啦
2個讚
真人真事
我細佬細個好曳好唔聽話
應該有過度活躍症 (但當年無乜呢個講法 所以無睇過醫生)
有次俾我媽目擊姐姐預備緊午餐俾我細佬時 吐口水落食物
姐姐話細佬食左佢口水會聽佢話…
你朋友 好自為之… 
咁有無即炒姐姐?
其實我覺得佢工人算係幾好,起碼佢屋企真係好乾淨
有呀 即刻躝曬gut路
之前都唔知食左幾多口水喇 吐得勁純熟
好明顯平時無教。姐姐淨係做家務係好合理喎~
佢自己先係父母, 連玩都唔同對仔玩, 更加唔會教。(教唔係罵兩句就叫教, 要花心機同小朋友相處)
上個姐姐已經無做啦~而家請左個新既咩都唔識,但係佢2個仔無再打姐姐啦,我朋友話小朋友大個啦,唔駛姐姐再同佢地玩,所以都唔準再玩到打姐姐