其實得 15分，好少少既小學都唔駛諗，唉
人生係長途戰黎，入普通小學唔代表呢世冇運行，入名校亦唔代表一帆風順，如果真係入左非志願小學，唯有校外多d同小朋友補底，到揀中學時可以上返去啦，加油
4個讚
平常心，如果派得唔好，就努力叩門。
二線小學，要入到Band one嘅中學係好困難.
考定d直私做back up, 好多直資學費都唔貴，又可以申請學費減免。如果得15分，到時派咗間唔岩心水，起碼有多個選擇。
其實一般人都係得適齡+首名出生子女嘅分，其實係咪唔使玩…
1個讚
我睇完一輪，個結論係唔駛玩
呢個係咪傳說中的15分？
我係私校back up 再抽獎
1個讚
如果冇錢咪等運到？
如果預計自己得15分，係咪報定龍幼好啲？
報得龍幼都要預將來學費！
我小朋友當年個case算係好好彩，私校back up,waiting list嘅直資竟然係抽獎公佈之前一日打電話嚟話收佢。由於有2個back up, 第二日慢吞吞下晝先去拎抽獎結果。
報定直資，搏入waiting list 留後著都係一個方法！
1個讚
所以會好多人「信主得救」，20 分搏入。
龍幼除左培正、培道好似係人人派 offer，其他都唔係一定全部入曬，會 waiting。以龍幼學術，要考入其他學校係有一定難度，所以入左龍幼都要努力認字，咁樣就可以用私校 backup 抽獎，如果學費真係負擔唔到，就叩官津。有啲官津唔洗你 111，可以嘅話，試埋跨區嘅學校，識幾個都係抽唔中，跨區一線官津收，仲唔止一間。
1個讚
其實我依家仲陀緊，但聽到d 2胎媽媽講緊報幼稚園同小學嘅嘢，已經好驚…我同老公都可以叫專業人士，但都係普通屋邨中學讀書，加上隔咗咁多年，已經唔知個遊戲點玩
放心，年年大把人同你一樣，今年有兩個，自行得 10 分，兩個家庭都係阿大讀左私立齋校所以益唔到阿細。A 屋企谷學術，考到幾個靚 offer，最後讀直資齋校。B 就冇咁順利，但叩門順利叩到一線官立，好多人恨之不得。
依家養好身子，阿 B 識行識講野就開始培養自立同伴讀，呢只要有呢兩樣，包你一定考到直私同叩門。
1個讚
大部份人都係15分, 所以都唔會預11月果ROUND有OFFER (而15分有OFFER果D學校又未必係最心儀), 都係建議樓主考直私做BACK UP, 睇餸食飯抽獎, 裝備叩門
升小學隨時唔止玩一年咖, 計埋插班我玩左3年
多謝您，我知係香港做家長好大壓力，但冇諗到係要咁早計劃定
慘過自己讀書
我小朋友當年抽老公畢業間官立小學，廿分都唔中。大抽獎抽到第一志願，所以不用太擔心，做足兩手準備，操fit 小朋友叩門。祝大家入到心儀學校。
1個讚
當年報幼稚園，先知有間係bb出世前已經要報！
邊間咁惡？
寶x, 知預產期就要報！
1個讚
呢間冇返咁上下錢財地位都唔洗旨意入到，入到嘅話，港島九龍嘅一條龍名校係入硬。
大前提，入呢間之前係要入 ITT playgroup，唔係嘅話，基本上都 no way。