我大小二便完間中都會觀察下，睇下便便有冇問題，後來有一排都冇再留意，但前兩日痾左兩次血，抹pat pat 都係鮮血，就即刻去睇醫生（普通內外全科診所），佢問左幾個問題就認為係痔瘡，佢問過我係唔係不嬲有，我就話一直摸到肛門圍住有團肉突出黎，有時大便完突出，其後自動縮番入去，平常就冇突出黎，因為一直冇痛所以冇理佢，而且唔肯定呢嚿嘢係咪就係痔瘡，記起年幾前曾經大便完抹肛門，又係有鮮血，我以為m 到前期（可能當時純安慰自己）。之後就不了了知。
今次醫生話因為我都50歲，年紀上比較敏感，所以寫了轉介信去公院排腸胃專科，去檢查同照下腸鏡。我雖然不停冷靜自己，盡量唔好多諗負面嘢先，但係我都係有點憂心！自己又要返工（仲要新工剛返左一個月），都怕請假去排期，怕上司有唔好印象！
可能各位靚靚會問我點解唔去私家做，原因第一太貴（起碼成萬蚊），我先生唔讚成，佢覺得係痔瘡！第二係冇保險嘅
諗起自己好後悔剛過去食麻辣嘢食得好密，家人成日叫我唔好食辣嘢，對腸胃有影響，因我食完麻辣會肚痛同肚痾，唔知係咪咁引發痔瘡出血，上網查過這係會咁既機會。
我有7x歲親戚之前好似你咁間中痾血，又係好擔心但又怕去醫院，最後都去左私家訓一晚做腸檢查並同時割埋息肉，見佢而家放心晒啦。
謝謝你安慰，感激！聽你咁講都冇咁驚，不過經濟問題都係要去排政府。我知道會比較耐，不過聽聞而家政府醫院會因情況而安排快隊
病向淺中醫，我屋企人之前有病，都係自己比錢私家照再返去公立醫院，醫生先可以盡快安排手術，如果唔係分分鐘公立醫院要排一年
但你自己擔驚受怕嘛！咁落去你精神好易出事！
不如你打去醫院問下價先。
一萬蚊係唔少，但解除心理壓力又真係知道身體狀況，都唔係唔值嘅，人冇事先最重要
謝謝你關心，我明白，其實我都想，但我先生唔喜歡，佢覺得我咁樣過份憂慮
，佢竟然信個醫生講係痔瘡就係，但個醫生冇做過任何檢查架。因為5年前我懷疑自己胃癌，疑病症咁不停去私家檢查身體照胃鏡，後來乜事都冇，佢就覺得我焦慮過頭，浪費金錢，好似今次雖然佢知道真係痾血，但佢堅持係痔瘡，我話但有可能係其他人，例如最common 係大腸癌或息肉，佢竟然話我又多心多諗，諗野永遠去到最壞既情況，我每次同佢講癌症唔等得，佢唔理我。永遠覺得我疑病症（5年前係咁要睇精神科社工），佢就確定我係諗嘢負面，佢唔多高興，因為佢係一個慳儉嘅人，可能我哋係基層市民
我曾經有疑病症同驚恐症，睇社工好番
男人成日話唔實際
認真, 睇你問題已經去痔瘡第三期(都比較嚴重), 應該唔係其他病, 香港人,十個人九個有痔, 成日坐,無運動, 口不擇食, overweight都係痔瘡成因… 我媽咪前兩年都係同你症狀一樣, 入威爾斯急症, 檢查完排期做手術係要一年多… 當時, 咩都無諗就同阿媽去私院做, 前後兩日可以出院… 不過, 真係貴… 我唔係想嚇樓主, 只係想話個事實俾你知… 祝你早日康復…
公立安排左幾時照?
謝謝你，我知道係好貴，未必負擔得到。我上網查8，9成都係痔瘡，因為我剛睇個醫生都話，痾鮮血同抹肛門係鮮血，大多數係痔瘡，而且我真係有嚿肉突出黎。（雖然不可掉而輕心）最近食麻辣嘢（幾日就食一次）食到肚痛肚痾
我下星期先去入紙，同上司申請左，到時醫院會俾期我
請教靚靚，其實我應唔應該去痔瘡專科診所檢查係咪真係痔瘡呢？睇過果個只係問症佢冇幫我檢查，乜檢查都冇手，就開左痔瘡藥膏同啲消炎消腫藥我咋
公立醫院而家應該好慢，之前你睇果個應該係普通門診。
不如你去私家專科，醫生熟手會大約知係咪痣瘡，同埋你可以問埋佢意見，專科睇一次都係一千蚊到。
剛剛我樓上有問左靚靚要唔要去睇痔瘡專科，我都係咁諗，確定下都好，一千左右負擔得到，謝謝你靚靚
哈哈，醫護掂會怕臭
另外, 無花果沖水對痔瘡好架…你上網搵搵, 我媽咪都飲咗一排…
反正政府排都一段時間,經濟上負擔吾到都無計架,痔瘡嚴重真係好勁血架喎,我都有呢個病呀,我會涼茶舖飲火麻仁好好多不過一星期一次好啦,另外自己煲海帶綠豆清熱毒,塗药膏就一定要,真係吾好食上火既食物爆起上黎搵自己笨,吾好太擔心啦,心境都影響架
多謝你呀，正想找食療，我會去買架啦