之前有返學有老師一直幫手去改善佢行為脾氣，無返學8個月，退化做野人，駁咀駁舌
唔認真去做事，做唔到要人幫，我知佢做到我唔會幫佢就發顛發爛，佢話一家人要互相幫助架！我好細個咋，唔夠力啊！（明明好大力）
成日執著係一件小事上，善意叫佢轉做其他野就會即撻着，覺得人地話佢唔認同佢，會容易聽老師/婆婆勸導但父母就點都唔鐘意去聽（由其是我）話我好煩，問我係咪咁都唔做得？係我無用啊，係咪唔洗做啦！？下！
我每日照顧佢日常要叫佢刷牙換衫出門口食飯收捨玩具訓覺都要叫好多次，叫唔郁又要鬧佢
好多怨言，電視節目唔啱睇都呻好悶，話部電視好麻煩
暑假後做功課佢一日拖一日，又話做咁多辛苦佢
搵野永遠話搵唔到見唔到，叫佢再搵多次再睇清楚啲就嫌我好煩
我有日睇月光寶盒，我覺得我好似唐憎，不斷導悟空向善，心很累……
‘佢話一家人要互相幫助架！我好細個咋，唔夠力啊！
話我好煩，問我係咪咁都唔做得？係我無用啊，係咪唔洗做啦！？下！’
放假邊個湊小朋友多?平時小朋友睇咩類型電視劇多?
感覺上係個小朋友好似好大個咁,講出自己無力,識表達,同時有挫敗感…
似出左嚟返工返屋企呻有怨氣咁,無乜童真…你哋平時放完工,對住另一半講呢 d 比佢聽到?
小朋友本身係一張白紙,學校老師同婆婆都唔會講呢 d 有語氣說話!電視劇都係輕鬆多…
要搵下原因,唔會無拉拉講呢 d
如果無人教係咁,試下搵學校社工幫幫手,佢哋會好樂意幫架!
平時係我湊，其實佢啱啱5歲，1年前佢已經咁講野，佢平時睇英文卡通片多，但都有時睇電視劇，有啲語句佢應係聽過大人講再到佢覺得有用時爆出黎，佢有小小醒目又好記性，有啲野就算無教過佢都識自己諗出黎
嘩，有7，8成同我小朋友一樣…
。
每日都好勞氣，你小朋友都係差唔多大？
如果湊到心累又改善唔到，想下平日有無固執行為，會不會講野沒同理心，嬲時情緒會不會失控，平日同同年紀小朋友相處有無問題，如有懷疑，金錢許可下可去做下評估。
4歲…所以好有共鳴。
同其小朋友相處無問題，友善甚至比人蝦都唔識反抗，講野有同埋心，但係婆婆/父母面前真係好低eq, K1時有問過playgroup 同學校老師係咪過渡活躍，但老師們都話唔係，係佢性格似，蝦啊媽，學校老師好好有幫佢教佢情緒
小朋友都好識睇眉頭眼額，邊個淋善d邊個唔惹得會知，我仔專蝦爸爸因爲知道無論做咩好爸爸都唔會惡佢
1個讚
其實蝦媽咪好正常,因為佢知你錫佢嘛!
如果佢咁講野,有 d 硬耳,唔算臭脾氣,等佢冷靜完,同佢講以後唔准咁講,要佢即時掌咀!教返佢以後要咁咁咁講~
有時我講左 d 晦氣說話或者爆粗鬧人,都會即時話媽媽咁講唔啱,唔准學,我自己都打自己個咀!
小朋友就會知有 d 說話邊 d 唔講得,再講都即指正我唔啱!佢哋學野好快,好快會改到~
其實佢好叻，句句頂到拫=佢轉數快
對著依d小朋友要慢慢黎，不過你一定要講得出做得到，做唔到就話做唔到，言行一致，父母都要同一個標準
另外 ，去圖書館借d童書同佢一齊睇 ，同化佢
其實最管住佢果個係我，鬧得最多都係我，但都尊係蝦我
佢講難聽說話婆婆公公同爸爸都有鬧佢，我都會鬧佢掌佢咀，但佢一發脾氣就咩都講架啦，仲話自己係咪執返黎無爸爸媽媽架？（無人同佢咁講過）
佢咁講,真係幾有挫敗感…
咪鬧佢啦!做錯可以攬攬抱抱錫錫,同佢講返點做點講
仲有,要佢自己掌咀,你唔好掌佢咀!傷感情呀!
係啊！頂心衫，頂到我真係唔知點再反駁佢，轉數又唔夠佢快，激到我死死下
我知佢性格，所以對佢真係話一就一，但婆婆同爸爸就敵唔過佢既煩音會對佢心軟
好！下次要佢自己掌咀，講野太衰啦
1個讚
佢自己細力打,你就話大力 d!你望住佢,笑佢醜怪,做得唔啱,要改,知道未?跟住教佢要點講先乖,下次咁講,獎貼紙或者獎野食!!
你心裏面見住佢打又當發洩左(我都係咁,haha),但我哋唔好郁手,我哋郁手,佢哋傷心架!會覺我哋唔錫佢…
就算佢唔認講錯野,我都會話我聽到!!! 
佢唔肯打,我會捉佢手打自己個咀,比佢知道佢做錯,唔係我要專登打佢
如果只係爭野比人投訴,打 pat pat,但都要講佢知錯乜,下次點做 
同佢講道理,硬碰唔得呀 
最重要做得好有獎 
1個讚
我冇小朋友，但身邊有d老人精親戚仔，又係講野好難聽。有次個小朋友係咁指住我先生話佢係垃圾垃圾垃圾，初初大家扮聽唔到，佢再大聲d嗌，我立即黑曬面話佢你憑咩野咁樣話人。佢即刻收聲。
想請教一下，面對小朋友嘅失言，係咪唔可以俾佢知聽到嘅人嘅真正感受？係咪一定要扮大方扮冇野，唔可以俾佢知我嬲同傷心呢？
你寫的野好似我每日經歷，我都成日笑自己係嫦娥
我女4歲，固執唔鍾意聽人講，EQ低但表達/語言能力強，又鍾意搏咀，話親佢就十萬樣大道理
日日同佢鬥智，好攰
Hi! 嫦娥，我係唐憎
自我仔6個月有移動能力開始我就不斷同佢鬥智鬥力，男仔太活躍，而且佢條天線經常接收唔到媽媽講野架
我每日簡直被虐待