女女讀11網半女龍幼稚園。
她性格口多多手多多，唔多守規矩，成日要老師提醒。
但佢谷得，學野都快。
煩緊幫佢選小學，應該㨂傳統女校嗎？
婆婆叫我㨂傳統女校，話大大下會定，口多手多係要教，去到邊間學校都唔鍾意學生咁樣。
我而家好煩惱，有無過來人可以分享一下？感謝！
大大下係會定，但講緊都要起碼中學。
我細個成日俾老師鬧㗎，但我當時又唔覺自己手多口多㗎喎。
聰明嘅小朋友都唔少係咁㗎!
選啲校風好又冇咁要坐定定嘅學校
男女校好呀
小朋友仲細，未正式讀書。間間學校都有多手多口嘅學生，嚴格如德望都有呢啲學生。依家老師對 SEN、活躍小朋友愛心、認知都大左好多，所以我覺得唔需要過份擔心。^.^
女半龍應該係得 2 間，2 間都係傳統學校，有中學部，升中有絕對優勢。如果係半日嗰間，呢間係準你派位，另一間就肯定唔得，你一係放棄，一係考埋其他直私。
如果你係對升中欲求唔大，覺得可以隨緣，咁你係可以派位（要睇你係邊區派位，可以派得好好亦可以派到你喊三聲）或者考直私（提提你，龍幼學術相對淺，要考直私就要花多啲功夫）
港島大部份一線直私都係傳統，除左救恩、聖士提反、港同，11 網官津都係傳統多。
如果你唔怕升中呈分/自己谷考直私，你可以考慮多課外活動嘅男女校，有啲仔墊住你，冇咁明顯偏差。
我細個讀傳統女校，都係家長日次次都被投訴，老師要打電話嗰啲，但因為有直屬中學，好難抗拒唔讀。所以放棄左自由發展/男女校，揀左升中安穩。咁多年前，間間都傳統冇選擇。雖然唔討大部份老師喜愛，但成績好老師就包容到（呢個要好好利用），12 年讀書，學校畀到我好多野，回帶到 6 歲嗰陣，應該都會讀返呢間。