大家好
因為太太進入孕後期，我好想佢可以便便暢通同有營養，所以久唔久都炒菜比佢食。
但是次次結果都唔順利，佢一直投訴有草青味（老實講，我味覺一d唔敏銳）
我試過用蒜蓉起鑊，去到咁上下落鹽、糖、紹酒，但到最後太太都係話有草青味，令到佢對蔬菜充滿恐懼同厭惡。
我唔想淨係自責同唔開心，所以好想請教各位高人可否稍為指點一下
♂♂♂ 感謝！
落薑同雞粉,再勁D加埋燒酒
1個讚
但太太極度厭惡雞粉，我下次試下加薑♂
我覺得糖嘅份量都好關鍵
我唔識 不過好想讚你對懷孕梗既太太咁上心
真係一位好先生～
1個讚
如果你太太唔抗拒酒味，可落D紹酒
我知自己冇天份，味覺唔夠敏銳
睇左好多YouTube片學整都整唔好
所以真係想有所改進。（同埋我真係想太太食得健康）
一份蔬菜其實我會落大約一個tablespoon的鹽同糖，其實係唔係唔夠？
我都落左大約半個蓋咁多的紹酒，係唔係唔夠？
我自己覺應該夠，或者你再落多少少試吓
你炒邊款菜?
您真你一個好老公我老公最叻都係買外賣比我食
3個讚
蔬菜濃湯
都係放佢鍾意嘅落去煲，可肉可素
煲好後攪拌機打溶，唔想難洗就唔好落肉/果仁（油）
可以最後落少少忌廉/椰漿（香味）
我家人跌甩牙，都有便便
1個讚
我好鍾意用櫻花蝦炒菜，落油落櫻花蝦爆一陣加菜，應該除到草青味！另外我諗D菜靚吾靚都有關係
加少少酒
蔬菜濃湯極力推介！
唔知落牛油會唔會得，西蘭花、蘿蔔等等落左牛油，我覺得都冇左草青味。不過餐餐菜有牛油就好似唔太健康。
夠啦⋯大肚婆唔好落咁多酒
有無落薑？
唔係好識講
如果炒菜
我覺得有時要大火d個鑊熱d 先落菜
有”渣” 一聲
同埋酒要鑊邊落
又係要有渣一聲
要大煙d個感覺就好似會蒸發個草青味
其實唔知咩原理，但so far 整出黎又唔覺會有草青味
你可以試下
啊…炒菜嘅話，我家人話要冚蓋焗一陣，就冇咁臭青
即是落哂調味，差唔多炒好（未熟），加水（免乾），冚蓋焗幾分鐘
開蓋後炒兩炒，熟透（唔係黃，係深綠）就上碟
西蘭花苗、菜心苗、娃娃菜、通菜、油麥菜
老婆全部都話有草青味