有冇人真係坐月期間忍到唔洗頭同沖涼，完全無掂過生水，坐月接近半個月，大熱天時出晒汗唔可以用花灑沖涼簡直係折磨，好想好想痛快咁洗頭沖涼一次
涼無日日沖, 但沖時照用花曬, 跟住陪月煲定啲唔知乜沖完要淋返興個身, 同埋開定浴室寶整暖個廁所。 洗手我照洗, 照開冷氣著短衫短褲 
1個讚
由醫院返屋企第一件事係沖涼同洗頭。我係日日都沖日日都洗(沖完後著衫前淋薑水）。唔比清潔真係太污糟，我接受唔到咁抱BB.
2個讚
我生完之後 落得床已經衝去沖涼
生到身水身汗 唔得唔沖
至多用風筒吹耐啲
坐月期間都日日照沖涼洗頭… 
2個讚
第一個陪月係老一派嘅
完全唔俾洗
忍咗十日忍唔住花灑洗頭
之後新陪月嚟叫我用薑水洗，我都盡量乖乖地嘅，洗得乾淨就得
但洗手真係唔得
尤其幫阿B換完片
一定係水喉水加潔手液
啋佢都傻
當一人行一步算
我成個月都係用薑水沖涼洗頭呀
刷牙洗面所有嘢都係用薑水
係好麻煩
但係冇辦法啦都係一個月啫
洗頭就嗰陣每三日先洗一次
加油啊好快就捱過㗎啦！
冇忍過！出院後返屋企就沖涼洗頭！
熱啲水，即刻乾身吹頭！
污糟邋遢點掂啊b？仲要餵人奶喎！
唔得啊！我接受唔到！
最多洗手刷牙都用熱水！
忍到既媽媽真係勁！
每日都沖涼洗頭, 有開冷氣.
一出院就沖涼洗頭，日日洗，陪月準備薑水比我沖涼後抹身，抹完個身會好暖，日日洗頭後都用風筒吹乾頭髮。
我係醫院第2日已經沖涼洗頭… 接受唔到
返到屋企一定要日日沖涼洗頭 個b日日搞到我出晒大汗 只係用返薑嘅產品同埋即刻吹返頭咁啦