請問知唔知托腹帶 點揀？我之前睇左D post話要自己去試…
但試左點樣先係岩唔岩用……
我去嗰間會比你試，我果陣未夠三個月，一試就覺得好舒服，所以乖乖俾錢買
邊間啊？應該幾時開始用？
你而家個肚第幾個月？第5-6個月大時先去試吓托腹帶，可以去Aeon店試吓，覺得舒服就可以。
我去mother court，個sales話越早用越好，咁啱我果陣係開始腰酸（不過我份人本身好虧），覺得用完真係見效，佢同我托完跟住綁嗰下覺得真心舒服同個人輕咗（應該係我姿勢唔好，未大肚都係寒寒哋背），跟住就出親街都用喇
我都係Aeon買咋，九龍灣&黃埔呢兩間舖大啲，多啲牌子多啲款。Sales會教你用，幫你試。我都係見肚之後(5個月)開始腰痛先買，係有用嘅，戴左行路冇咁辛苦，少腰痛。但後期因為天氣太熱(bb夏天出世)，焗到個肚出晒粒粒，所以就無再用喇
我用過六甲村同010托腹帶及收腹帶，焗身，起疹，好快就唔黏，醫生叫我唔好著因子宮收縮多了，怕早產。
之後都用過 mother court 同Aeon幾款收腹帶，因我條腰真係好痛，但都同六甲村010果D一樣，起粒粒，又係比醫生band左叫我唔好著!
起初以為是我的問題，我送了給朋友又係類似我咁，真係好得人驚…所以大家小心~
4個讚
請問醫生係咪建議唔好用呀？因為會搞到早產？
我用六甲村，都係去aeon 試
果時去醫院檢查，同醫生講覺得個肚好重，好似就跌出黎咁，腰又痛。醫生話有需要可以用托腹帶，之後先去買，用左又覺得舒服左。
1個讚
我公立同私家醫生都叫我用
我覺得好睇自己情況
例如，我係有腰酸情況所以要用，用左有改善
1個讚