明明比晒速遞錢 仲要加偏遠附加費
間間都話送上門已包住宅附間費 但黎到要比＄20之餘仲要話村既話唔會入村
細貨出去拎下都無所謂 （通常細貨都係自己去速遞站拎）
但大貨加得錢要送得黎通常都係因為拎唔到。。。
最慘係佢地語氣 一朝早聽到依d電話真係心都煩晒
一拎起電話就話我地唔入村架！要收＄20！你出黎未！
樓主唔好嬲住
你諗下村屋泊車唔洗錢（好似）
同埋又可以有多啲戶外地方玩（住地下或頂層）
我見到有朋友住村屋 佢既仔女日日都好開心可以自製水池 波波池呀 就算疫情期間都好多野玩
速遞收貨麻煩就當打個和喇
雖然有時有啲速遞員真係態度好差
咁你比左錢唔係送上門，有冇投訴？
呢個應該投訴喎！
落單時唔係寫到明，再收足錢架咩？
點解收完又收？不文明規定？
因為最近村屋要裝修 好多野要速遞或者送貨
避免唔到都要淘 因為好多裝修師傅要我地自己買 我唔係買開 又唔識去果d裝修街 （一個女仔去都會比人獅子開大口）唯有上淘寶搵 所以真係日日都有收到call
收完之後仲要打電話叫裝修師傅出黎收（有時都好唔好意思 盡量group埋一齊但有時速遞自己大貨細貨又分開送）
慢兩分鐘都已經被速遞打番黎話咁耐既話佢地唔等喇 
佢地公司網頁就寫話包住宅附加費
但佢地自己就堅持話偏遠附加費係唔包（每單＄20 要比現金佢地）通常d速遞都會加條款話去到如要收偏遠附加費係要比速遞既
比唔緊要。。我問佢地可唔可以放門口 通常都係一輪嘴咁話 我地唔入村架！不嬲都唔入村！唔送架我地！連叫佢地擺係村口我轉頭叫裝修師傅出黎拎佢地都話我地唔入架 你要就出黎拎
咁個$20係有咩服務
？
佢地話總之你依度就係要收 唔關送唔送入去事
我都想知如果有其他住村屋既版友係咪都係咁。。
因為佢地趕住下一輪
有好有唔好啦~SO FAR我條算方便, 送貨都OK 只係要自己出 大停車場拎, 唔會送到門口,
傢私就要加好多先送到門
不過我呢到仲慘, 打風落下睇唔到TV, 亦收唔到WIFI, HAHAHAHAAH
收唔到wifi咁大獲？ 
你用光纖定網上行30m果d？
我以前屋企（都係村屋）就係落雨wifi會收得好差
tv依兩年打風睇唔到少左 以前就會多d
而家新果邊未知點
見你哋啲村屋生活，第一時間諗到嘅就係你哋好容易適應到外國生活
我果度近大路邊, 車可以到門口, 所以一般都肯送嚟嘅
之前訂床褥都只係加樓梯費
SF哥哥/訂尿片果間送貨都肯嚟樓下交收
不如你試下第二間集運?
我反而係勁唔鐘意HKTVmall 唔送村果下，喊出黎
其他送我條村啲速遞哥哥都幾好禮貌，可能我唔係成日淘寶
我屋企都裝修中， 但無淘寶， 一來我唔淘
二來我都係想睇到實物
我都係出去旺角到買晒啲配件， 馬桶， 毛巾架等等
睇岩其他嘢可以買埋
佢地都會寫明價錢， 睇岩行多幾圈格價
價錢差1，200百就問送唔送貨， 送貨又幾錢
唔岩就走
你買咩會比人獅子？
我好明，有時細件我寄去屋企人公司算，大件個d我係疫情前有訂過，我一手抱住個仔，一手拖住件高過我嘅貨，個下想殺人
1個讚
村屋和離島，馬灣。。。 都係要收附加費。
唔入村好正常，因為出入都煩。如果唔小心hi花原居民的車，或者圍欄等等，死梗。
要方便，真係唔好住村屋。有些快遞直情唔會送村屋，要自提。
自從行數碼就咁, WIFI 得PCCW 8M… 唉~ 不過都慣架啦~
我地村, HKTVMALL 同集運都送~ 還好~
我自己市區都有屋~ 但方便都好, 都覺得住村鐘意D~
$800左右