我係在職媽，一個仔，工作算輕鬆，仔仔日間老人家湊，喺佢升小學之前我都覺得自己嘅家庭十分幸福。
佢已經讀國際學校，本來就無功課壓力，但疫情下堂課變功課，變相每晚返屋企要跟功課。
d功課係非常簡單，而且老師已經堂上教晒點做，但阿仔成日分心，做一樣功課要一小時，中間仲要break（我心諗：你老闆，我涼都未沖嚟陪你，你咁少功課仲要break?)
我係第一次覺得湊仔係負累，想發火省佢等我可以休息…
各位媽媽有無同感？
小朋友到底幾時先會自動自覺做功課，媽媽可以重獲自由？
2個讚
媽媽你平時對小朋友嘅時間多唔多？
我認為，特別係囝囝，好鐘意有個伴同佢玩/工作，佢可能好鐘意你陪住佢的時間，所以功課拖慢嚟做。
不如你定個時間表，每晚定時間同佢玩/睇書/做小朋友喜歡的事。佢如果未能在特定時間前完成功課，就要賠上和媽媽玩樂的時間。 咁樣可以俾鼓勵佢早D完成，最好能獨自完成。
咁你又可以有時間沖咗涼/食飯先。
不過定了時間表就一定要執行，遲了開始play time唔可以補鐘，你亦都要每晚做到呢。
7個讚
外判比補習社跟小朋友功課？
我小朋友K2，我一早刻意train佢自動做功課，佢暫時OK
我都想知，同你一樣！做功課做左勁耐！
如果我行開咗，佢就會停係到搞野（搞筆啊、紙啊）
一定要坐係到直至做完！真係救命！
其實係性格問題！我哋唯有等同忍！
大家加油啦！
你講得啱，佢做做下功課會同我講笑，但我笑完佢唔係返去做功課，而係再揾第二啲嘢傾。
佢肯自己做簡單嘅功課，要我出馬嘅係一啲佢唔識嘅功課，所以我唔係介意陪佢做，而係嫌佢冇效率。
佢做完功課可以一齊上床睇小新，無論幾夜我都會陪佢，唔會食言。早做完咪可以睇多兩集囉，咁唔係開心啲咩？
我自問都係高效率人士，屋企冇請工人，日頭又要返工，當然難啲接受無效率嘅人做嘢嘅方式。
希望我個仔有一日會明白效率嘅重要性，快手做完咪可以多啲親子時間囉！
佢唔識可以教，教完就要俾佢自己做喇，唔駛伴在旁。
留D你同囝囝嘅互動時間，而唔係只在電子產品，佢會更想快D完成功課。
係,所以樓主要考慮外判功課
我都係兩公婆要返工，阿女啱啱升小一，同你一樣幼稚園時覺得好幸福，功課好簡單無問題，到小學，特別今年zoom，完全係地獄，進度好快，每日功課最少5樣，第一個星期已經要默書，我放工返屋企7點煮飯食飯洗碗已經9點，無可能跟到，所以已返補習班，暫時覺得ok, 都要跟吓但基本上已做好功課，默書都有溫吓，所以可以考慮吓補習班
1個讚
學校幾時正式返學？
老師對欠交功課會點處理？
或者打電話返學校同老師講，打定底，到返學時，睇下老師點處理。
小朋友唔聽你講，就會hea你。
我仔少你女好多功課，最多三樣，而且超簡單，又無默書
揀國際學校就係想輕鬆d，無意思俾佢去補習班
佢下星期恢復半日課，但放學後會有一堂zoom，即係無得休息…不過就唔駛每日交功課，只得weekend嗰啲
老師對功課嘅態度好認真，我仔份功課有寫句子，只係畫漏一幅畫，都叫佢補番…
不過唔係責備，只係善意提醒
由開學到依家都冇乜功課，因為老師好好，上堂同佢哋開咗頭仲緊d，剩低果d阿女自動搞掂。我好彩仲可以WFH, 呢段時間𥄫住佢提下甩漏，希望train到佢自己跟功課，到返返office唔知會點
我大女初上小學都做野好慢，慢到我發脾氣，之後熟習左小學模式就自動自覺，每日做完功課就等我返屋企check. 高小已經可以自己搞掂。
細妹已經小五，一直都唔點自己做功課，我七點幾先返到屋企，佢可以我食完飯八點幾先做，真係好嘔血。
所以要睇每個細路，不過你哋讀國際學校已經好d，起碼功課比傳統小學少，同埋幼稚園你同小朋友都係慣咗輕鬆，大人細路上小學都要時間適應