因為樓下係救世軍, 聽聞老師都幾好, 又多活動,又Happy
不過怕升小學術唔夠, 考唔到小學
有買DWE教材, 英文方面夠唔夠用呢?
如果兩個小朋友同樣資質，同樣栽培，邨幼考小自然吃虧過私幼啲啲。
但唔代表你冇機會，你要考 SFA、APS、KTS、TSL 呢啲考學術成分多嘅話，咁一定要大量苦工。如果唔求呢啲升中好嘅直私，甚至係叩門唔考學術嘅官津，咁就人人平等，冇明顯優勢。努力谷掂個中英文。雖然話中文好重要，但考直私 10 間有 9 間都必考英文口語表達。考小學錢求其買一份淺嘅小一上學期補充練習做，做到 8 成咁你就可以安心考小。
要留意，小朋友一習慣左使用某一種語言/其中一種語言更強，另一個語言就好容易「退化/停濟不前」。所以中英文吸收比例要控制好。
我搵左好耐, 淨係搵到叩門要幾多幾多學術
唔見話唔駛學術叩門的官津, 可指點下嗎?
我識2姐妹讀全日制邨校，2個都考到DGS。
個人覺得train小朋友自理、時間管理比選校或學術重要。
2個讚
救世軍學自理好得，學術方面就要出去補。
你係住邊區？
救世軍以前一出世就要報，好似好難入咁，原來咁一般
救世軍唔係「一般」，大部份都係熱門，應該係得一兩間係近年入學仍有空缺。只係相對學之園、York、根德園、St Catherine 呢啲幼稚園，學術上一定係佢哋有優勢，同之前個 post 「有冇邨幼入英華、陳守仁」一樣道理，好多呢啲注重學術嘅學校，私立幼稚園容易啲跑出，其他幼稚園想做到平起平坐，父母要落嘅苦工不少。品德、自理等等我覺得間間幼稚園都一樣，冇話邊間更有優勢。
贊同。好多人話邨校重品德自理，我冇讀過唔清楚，但自理係考直私其中一項評分標準，私校又點可能唔教。例如我女間學校N班已教自己收茶點同泊櫈時要攞起櫈，K1已全部小朋友自己換鞋，老實講學校教得咁足，我可以錦上添花K2就教縛鞋帶同沖涼。
至於品德，間間學校都教小朋友做乖寶寶架啦
而且家教重要過學校教。
1個讚
邊間全日制邨幼咁勁？Pm 話我知，謝謝！
自理基本上間間全日制都訓練到。除咗自理，救世軍仲有乜賣點？ So far未聽過救世軍有人考到名小
好多人問「間幼稚園/小學有冇愛心」，我諗做得辦學團體、咁辛苦特登揀做老師，近 10 年嘅話，90% 都係對小朋友有愛心、耐性。間間都有愛心老師，但亦可能一路讀嗰陣突然殺出一個有問題嘅老師，咁呢啲係預算唔到但肯定唔會多，除非間學校個朵係教育界臭曬、低人工做爛市。
唯獨學術呢樣係最大實質分別，就算係私幼之間，都有唔同。不過無論如何，讀私幼嘅，10 有 9 都係打算入直私+屋企都會做下伴讀、練下口語，而好多直私 round 1 係有考學術，round 2 先睇家庭相處之類，就算 round 1 唔考住，round 2 都會出現，有時候考左你都唔知，始終小朋友細，洞悉唔到咁多。經驗告知，學術同英文口語表達越好，越容易考到靚 offer。舉例 WKF、培僑 round 2 都要考串字。有啲學校考聆聽答問題、猜謎語、看國旗認國家（唔止考 China、USA、UK，日、韓、巴西、西班牙都有出現）英文講故仔等等，呢啲都有學術成份。
1個讚
朋友個仔讀救世軍，都有同學考到陳守仁、培僑，當然一定無私幼咁多人可以考到
請問邊間？pm 我. Thx. 是否南亞？
佢D課程淺到爆，英文k2仲教緊abc, 咁都考到陳守仁？
其實幼校來講救世軍係好好
小朋友呢個年紀其實係應該學自理
係香港咁變態, 小學要谷到咁深, 先要由幼園谷起
北區…
聽諣SC反而自理麻麻, 因有個阿姐長期係toilet幫小朋友休褲同埋執野
有幾輸蝕?自己小朋友開心就得,仲咩要同人比
我見幾個 SC 女都 OK，自理好好仲表達能力唔錯 
完全唔關學校事，真係小朋友同家長嘅努力，加上已經係幾年前嘅事，無謂開名。
安排小朋友讀津幼嘅家長大部份都會選擇讀官津小學校，入讀直私比例自然少。如果睇重小學派直私比例嘅，就唔會選學券幼稚園。