訂造既傢私係用E1 夾板，但因為入伙後會準備懷孕，擔心甲醛會影響身體，請問通常要通風幾耐先安全呢?
塊引用
當年裝修完會開晒窗用大風扇對住吹兩晚，同埋都有買炭吸下味
我個時吹一個月+搵人除甲全
我之前試過去咖啡店攞啲咖啡渣吸味同開窗通風
對大部分傢俬都幾有效
但係有一兩件比較臭嘅就要放啲甲醛淨化劑先得
甲醛係無色無味，我自己裝修後除埋甲醛後成個月先入伙用甲醛機check都係超標，除甲醛、用炭、咖啡渣等等全部治標唔治本，只能除VOC除唔到甲醛，一定要開窗空氣流通至少成個月先入伙，買部空氣清新機有除甲醛濾網長開幫手分解甲醛
做光觸媒啦，依d 錢唔慳得
其實無用，甲醛係夾板裏面啲膠水揮發出嚟，除完第二日已經會再有
1個讚
多謝各位回覆，睇嚟都要開大窗吹返一頭半個月先入伙好啲
之前有個藝人轉左做去甲荃，訪問佢時都話唔係一次就會解決哂個問題，d甲荃會不停散出黎
1個讚
我都有聽過，就算揾消除甲醛既公司都只係幫得一時，之後都會keep住釋放出嚟，所以都唔打算幫襯
1個讚
甲醛係會慢慢release出嚟，都要起碼十年先可以釋放晒。
就算你搵人除甲醛，係即刻無晒，但之後會繼續release. 無需要浪費金錢去做 (個人認為)。
我就買去甲醛噴霧噴傢俬，加放幾個淨化劑，再開空氣清新機吸甲醛，當然裝修完喪開窗吹散啲味先搬入去住。 
2個讚