如題
過來人請分享
有，我仔之前間邨校有人入英華
有，但比例好低
讀半日幼稚園、放學後另外出去私補、再加上小朋友本身資質好、實有機會。
我仔嗰間都唔算名校，但上兩年有人入DBS，岩岩嗰年有人入協恩。父母肯比心機培育&有方法一定有機會。
2個讚
私幼同邨幼最大分別係語境，而考直私最重要就係英文好，部分要求埋中文同數學（例如陳守仁second in 就要考中文閱讀理解同數學文字題）。
讀邨幼就唔可以懶，一定要搵人操英文尤其會話。要英文能自然溝通，唔係好公式How are you I am fine. 家長要每日同佢睇書，中英文都要，面試前要自己睇到書。
私幼嘅話唔洗點搵人操英文specking, 邨幼d學費慳左，就係投放響呢方面。
利申：阿女私幼舊年考小學有幾間坊間覺得勁嘅學校offer
1個讚
Yes, 實有架、天資聰穎、父母有栽培
人仔細細已經自己上youtube學語言
應該咁講，讀名幼/私幼如果無靠家長谷，都未必入到以上呢d小學，讀村幼入嘅機會更加微乎其微
淨係英文呢樣，如果大家都無補習，只靠學校，名幼/私幼嘅小朋友會好過村校好多好多
呢個問題有如「有冇中學生唔補習都可以考到入三大」/「有冇唔係傳統學校嘅人考到入三大」，咁實有，多唔多？唔會好多。呢啲名牌小學大部份都係私幼/出名嘅幼稚園。平民如官津，好多都係讀嗰幾間大牌私幼。私幼父母如果志在入讀呢啲學校，栽培心機肯定唔會少，大把呢啲小朋友係英文、普通話幾乎日日搵人操。邨幼要做到同樣效果，需要父母、自身吸收能力，甚至外援（補習）去幫手。
識一個邨幼女女，佢好叻吖，冇外援都入到 St Clare 同 KTS，佢本身資質好。一個私幼仔仔，資質好，父母狂谷學術，的確畀佢考到唔少靚 offer，英華係其中之一，但冇 TSL、DB、SPCC。一個讀津幼，父母超級好心機谷，阿女吸收又唔差，入 DG。三個私幼谷唔起，一線直私落敗，都係靠叩門入一線官津。
以上例子可以證明，邨幼、私幼皆有機會，但私幼深學術谷面試，都未必可以幫到佢地考直私，邨幼更加要花心機/錢。
3個讚
屋邨幼稚園嘅家長同私幼家庭一般背景會有d差異
私幼家庭多數環境好d，願意栽培孩子、伴讀、興趣班等，亦多數會報直私小學，但邨幼相信多數人唔報或只報幾間直私小
淨係咁睇，已經知唔會太多直私學生來自邨幼啦
但如果你孩子讀邨幼，你有時間耐性伴讀、同孩子相處，帶佢周圍去，一樣可以試試運氣報直資
不過咁… 有以上栽培嘅家長，孩子都唔一定要讀直私
網絡上有個一門3傑嘅家庭
大嘅由龍幼上私小，再轉到男津校，之後直升
二仔跟唔到哥哥，私小讀一年後，轉男女津小，中學直入男直
阿妹讀學卷KG，入二哥男女津，但今年升P4，轉到隔離女津！
九龍d神校俾佢一家讀哂！
好清楚明白
LSC, DPS, MCS
朋友仔仔讀邨幼，資質好，考到7-8間offer, 最後選左陳守仁，佢話成個interview都冇人問係邊間幼稚園讀。
所以我諗有offer唔係邊間幼的問題，係個小朋友的資質比率高d
但有時又諗，如果津幼好彩有offer, 入到去其實會唔會成績都偏中後，一樣追得好辛苦
1個讚
陳守仁算係最公平，唔收portfolio, 唔收cert, 連父母都唔in, 全部靠小朋友實力面試，考得又全面。所以入得去，相信彩數只佔好少部分。
1個讚
有啊。
我覺得佢個 assessment 幾準, 有朋友去到third in 見校長, 話小朋友學術好強, 各科都係頭幾個%top, 仲講到d仔細位, 我朋友話見校長呢part都有得著!
雖然我朋友有OFFER但最後無揀到TSL
不過一樣會走漏眼 
係，好多人都係想要呢份「報告」
可惜今屆小一因為各種原因而取消咗
其實果個唔係third in, 係入到最後400人之後，校長share返小朋友表現，見果時已決定咗收邊個，邊個waiting.
我朋友都係咁講, 話見校長果時已明示會有OFFER
可是我朋友大滿貫呀, 一手都係OFFER無要到TSL
仔讀邨幼，今年有陳守仁Offer。
3個讚
好利害！！ 屋企有語境嗎？有冇報好多活動比賽之類？可以分享心得嗎？